CNN: Departamenti i Shtetit po e pengon Bidenin të ketë qasje në mesazhet e dërguara nga udhëheqësit e huaj

Një sërë mesazhesh nga udhëheqësit e huaj drejtuar presidentit të zgjedhur Joe Biden janë në Departamentin e Shtetit, por administrata e presidentit Donald Trump po e pengon atë të ketë qasje në to, sipas zyrtarëve të Departamentit të Shtetit të njohur me mesazhet.

Kështu së paku shkruan CNN, sipas të cilit medium, tradicionalisht, Departamenti i Shtetit mbështet të gjitha komunikimet për Presidentin e zgjedhur, prandaj shumë vende filluan t’i dërgojnë mesazhe Departamentit të Shtetit gjatë fundjavës, përcjell Telegrafi.

Por me Bidenin që i ndalohet për të pasur qasje në burimet e Departamentit të Shtetit nga administrata Trump, sepse Presidenti Donald Trump refuzon të pranojë fitoren e Biden, dhjetëra mesazhe nuk janë marrë.

Gjithsesi, siç thuhet më tej, ekipi i Biden është në kontakt me qeveritë e huaja pa përfshirjen e Departamentit të Shtetit dhe ai ka pasur thirrje të shumta nga udhëheqësit, duke përfshirë Angela Merkel të Gjermanisë dhe Justin Trudeau të Kanadasë.

“Ata do të preferojnë të përdorin burimet e Departamentit të Shtetit”, tha një burim i njohur me situatën.

Madje, po sipas CNN, Biden po bllokohet gjithashtu për të marrë të njëjtat informime të inteligjencës si Presidenti, i njohur si “Raporti Ditor i Presidentit”. /Telegrafi/