Manchester City ka fituar me lehtësi ndaj Burnley me rezultat 5-0 në ndeshjen e vlefshme për 1/16-tën e Kupës FA dhe kanë kaluar tutje në fazën tjetër.
Djelmoshat e Pep Guardiolas po vazhdojnë rrugëtimin edhe në Kupat e Anglisë dhe jo vetëm në Ligën Premier.
Pjesa e parë e ndeshjes u karakterizua me dominim total të vendasve të Cityt, por të cilët arritën të shënojnë vetëm një herë me anë të Gabriel Jesus (23').
Festa tek goli i Jesusit (Foto: Alex Livesey/Getty Images/Guliver)
Në pjesën e dytë, City i Guardiolas u tregua i pamëshirshëm duke shënuar edhe katër gola tjerë në këtë fitore.
Luhej minuta e 53-të e ndeshjes kur Bernardo Silva shënoi për 2-0 pas asistimit të Kevin de Bruyne, ndërsa mesfushori belg u përkujdes të shënojë për 3-0 në minutën e 61-të.
De Bruyne shënoi gol të bukur nga distanca (Foto: Michael Regan/Getty Images/Guliver)
Qytetarët vazhduan trysninë dhe dominimin edhe pas golit të tretë teksa në minutën e 73-të ishte Kevin Long që shënoi autogol për epërsinë e Cityt 4-0.
Agueroi shënoi nga penalltia (Foto: Michael Regan/Getty Images/Guliver)
Golin e fundit dhe rezultatin përfundimtar të ndeshjes e shënojë i inkuadruari në pjesë të dytë Sergio Aguero (88'), i cili ishte i saktë nga penalltia për 5-0.
City në 1/8-tën e Kupës FA do ndeshet me fituesin e ndeshjes Middlesbrough-Newport Co. /Telegrafi/
