Chelsea përgatitë ofertën e re për Fofanan, do të bëhet mbrojtësi më i shtrenjtë në histori

Wesley Fofana vazhdon të mbetet objektivi kryesor i Chelseat për afatin kalimtar të verës.

Qendërmbrojtësi francez prej kohësh kërkon transferimin në Londër dhe i ka bërë të ditur Leicesterit se nuk do të pranojë ofertë tjetër.

Nga ana tjetër ‘Dhelprat’ kanë refuzuar disa oferta nga Chelsea këtë verë dhe po presin që ta shesin në momentin e fundit francezin.

Fabrizio Romano ka njoftuar se Chelsea po përgatitë një ofertë të re për Fofanan, e cila nëse pranohet do ta bënte francezin mbrojtësin më të shtrenjtë në histori të futbollit.

Londinezët do të ofrojë 75 milionë funte (88,7 milionë euro) plus bonuset për transferimin e qendërmbrojtësit të talentuar.

Chelsea are preparing new proposal for Wesley Fofana. It will be around £75m, still deciding the add-ons structure. Deal still on through intermediaries. 🚨🔵 #CFC

Leicester, waiting to receive the new bid to decide – as Fofana only wants Chelsea. pic.twitter.com/CAI1I2qvvJ

— Fabrizio Romano (@FabrizioRomano) August 25, 2022

Leicester po pret ofertën zyrtare dhe sipas mediave angleze kjo mund të pranohet pasi bëhet fjalë për një ofertë të parefuzueshme dhe vet futbollisti po bën presion që ajo të pranohet.

21-vjeçari është pjesë e Leicesterit që nga viti 2020 kur iu bashkua klubit anglez nga ST Etienne për 35 milionë euro. /Telegrafi/