Chelsea merr fitoren e parë në Ligën Premier, mposht me shumë mund Norwichin

Chelsea i ka fituar me shumë vështirësi tri pikët e para për sezonin 2019/20, duke e mposhtur në udhëtim Norwich Cityn me rezultat 2-3.

Skuadra londineze kaloi në epërsi pas vetëm tre minutash lojë me golin e Tammy Abrahm, pas asitimit që pranoi nga Cesar Azpilicueta.

Por, epërsia e The Blues nuk zgjati shumë, pasi vendasit e barazuan rezultatin me anë të Todd Cantëell (6’), nga shërbimi i Teemu Pukki.

Chelsea e riktheu edhe një herë epërsinë me anë të Mason Mount që shënoi në minutën e 17-të, nga një asistim i bërë prej Christian Pulisic.

Por, Norwichi ishte përsëri të vëmendshëm duke e barazuar rezultatin në 2-2, me anë të Pukkit (30’),  pas asistimit nga Buendia, e që me kaq përfundoi pjesa e parë.

Pjesa e dytë ishte edhe më e mirë nga The Blues, që arritën ta rikthenin epërsinë.

Abrahm e realizoi golin e tij të dytë në ndeshje në minutën e 68-të, nga asistimi që pranoi prej Mate Kovacic, e në fund doli të jetë goli i fitores.

Frank Lampard mori tri pikët e para nën drejtimin e Chelseat, derisa ka një fitore, një barazim dhe një humbje në tri xhirot e zhvilluara.

Blutë nga Londra aktualisht gjenden në vendin e dhjetë me katër pikë të grumbulluara, ndërsa në xhiron e katërt do të përballen me Sheffield United. /Telegrafi/

https://twitter.com/ClearingBall/status/1165232104877129733

https://twitter.com/EeeeeMelon/status/1165234019149045760

https://twitter.com/Astrofussball/status/1165230637965619200

https://twitter.com/STREQM1/status/1165247471582359553