Che bella macchina: Vetura e prodhuar në vitin 1969 është në shitje, ka të kaluara vetëm 17.861 kilometra

Kur u prezantua në vitin 1969, Fiat 128 revolucionarizoi botën e automobilave.

Makina e parë e Fiat thuhet se kishte një motor në “hundë” dhe ishte shumë tërheqëse – madje edhe duke fituar titullin “Vetura Europiane e Vitit 1969”.

Kjo veturë gjithashtu përdorej edhe në vendin tonë, si dhe në vendet e ish-Jugosllavisë.

Fatkeqësisht, shumica e veturave të tilla ka kohë që kanë përfunduar në mbeturina, ndërsa ekzemplarët e rrallë të mbijetuar janë “gërryer prej kohësh nga ndryshku”.

Kjo është arsyeja pse një reklamë për shitjen e një kopjeje unike e një veture të tillë tingëllon tërheqëse.

Bëhet fjalë për një banorë të Apenineve i cili shet një Fiat 128 me vetë 17,861 km të kaluara, shkruajnë mediat e huaja, përcjell Telegrafi.

Thuhet se pronari i parë dhe i vetëm i makinës ishte Giuseppe Pettinicchi, i lindur në 1932, i cili bleu një “128” në një sallë ekspozite të Fiat në Campobasso (në veri të Napolit) në fund të vitit 1973.

Pettinicchi ishte një punonjës i administratës komunale të Campobass, e përdori Fiat-in shumë pak dhe është akoma pronari i vetëm i regjistruar.

Pas vdekjes së tij në fillim të viteve 1980, gruaja e tij Maria parkoi veturën e tyre në një garazh të mbyllur dhe askush tjetër në familje nuk e voziti atë.

Megjithatë, në vitin 2016, e veja ia dorëzoi Fiat-in një shoku, Nicolino Oriente, i cili ia kaloi veturën M. Alonso, një specialisti vendas për vetura të vjetra të Fiat-it.

Alonso hoqi copa të vogla të ndryshkut në pjesën e pasme e cila ishte e vetmja dobësi e makinës ndërsa pjesa tjetër e trupit, pjesëve të brendshme dhe mekanike janë në gjendjen e tyre origjinale. /Telegrafi/