Çaushi: Konkludimet e vdekjes së Astritit, skenar i mrekullueshëm i një filmi fantastiko-shkencor

Deputet i Lëvizjes Vetëvendosje, Driton Çaushi ka thënë gjatë seancës së sotme plenare se e vetmja gjë që po dëgjohet nga përfaqësuesit e pushtetit dhe opozita, është një përpjekje për të tërhequr vëmendjen dhe kritikë për politizim të çështjes.

“Sot bëhen 45 ditë nga vdekja e Astritit dhe shumë qytetarë nuk rreshtin së kërkuari drejtësi për Astritin, dhe pushteti po përdor të gjitha mjetet e mundura për ta mjegulluar rastin dhe për të mbyllur hetimet. Kur GP i VV-së kërkoi seancë për Astritit, pushtetin bëri presion mbi deputetët e tyre që mos të japin nënshkrimet e tyre për të mbajtur këtë seancë të jashtëzakonshme”, ka thënë Çaushi.

Ai ka theksuar njëri nga persona më përgjegjës për këtë rast është Sylë Hoxha, kryeprokurori i Prizrenit, i cili para një muaji ka thënë se Astriti kishte kryer vetëvrasje.

“Gjithë kjo përpjekje e Sylë Hoxhës që me një raport autopsie të mashtroj opinionin u përcoll me kritika. Është e patestueshme se si një ekip mjekoligjor mund të përpiloj një raport autopsie, me gabime që janë skandaloze. Në pikën e par konkludohet se vdekja vije si pasojë e asfiksisë mekanike, kurse më vonë thuhet diçka tjetër. Kjo mund të ishte një skenar i një filmi të mrekullueshëm fantastiko-shkencor”, tha Çaushi.

Ai shoti se Vetëvendosje nuk do të pushoj derisa të ketë drejtësi për Astritin dhe vendi të lirohet nga ky pushtet./Telegrafi/