Cary Joji Fukunaga është regjisor i James Bondit të ardhshëm, ndërsa Daniel Craig do ta luajë agjentin ‘007’

Cary Joji Fukunaga do të jetë regjisori i filmit të ardhshëm për James Bondin, pas tërheqjes së Danny Boyle.

Nga ana tjetër, edhe Daniel Craig e ka konfirmuar se do ta luajë rolin e agjentin të famshëm sekret në filmin e 25-të me radhë për ‘007’, të bazuar në skenarin e Ian Fleming.

Në një njoftim në faqen zyrtare për James Bondin në Twitter bëhet e ditur se xhirimet për filmin e ri do të fillojnë më 4 mars të vitit të ardhshëm.

Michael G. Wilson, Barbara Broccoli and Daniel Craig announced today that #Bond25 will begin filming at Pinewood Studios on 4 March 2019 under the helm of director, Cary Joji Fukunaga with a worldwide release date of 14 February 2020. (1/2) pic.twitter.com/Oyzt826sXd

— James Bond (@007) September 20, 2018

“Michael G. Wilson, Barbara Broccoli dhe Daniel Craig, kanë njoftuar sot (e enjte) se xhirimet e ‘Bond 25’ do të fillojnë në Pinewood Studios më 4 mars 2019 nën drejtimin e regjisorit Cary Joji Fukunaga, ndërsa lansimi botëror është caktuar më 14 shkurt 2020”, shkruan në njoftim.

Lexo po ashtu Lajmet për James Bondin

Producentët Michael dhe Barbara kanë shtuar: “Jemi shumë të gëzuar që po punojmë me Caryn. Aftësia e tij e shumëllojshme dhe inovative e bën atë një zgjedhje të shkëlqyer në aventurën e ardhshme të James Bondit”.

“We are delighted to be working with Cary. His versatility and innovation make him an excellent choice for our next James Bond adventure," said Michael G. Wilson and Barbara Broccoli. (2/2)

— James Bond (@007) September 20, 2018

Danny, i cili orkestroi ceremoninë hapëse të Lojërave Olimpike ‘Londra 2012’, u tërhoq nga posti i regjisorit të këtij filmi në muajin gusht duke thënë se ka dallime kreative me producentët.

Ndërkohë, ky pritet të jetë filmi i fundit i Daniel Craig në rolin e James Bondit, teksa po vazhdojnë spekulimet se kush do ta portretizojnë agjentin sekret në të ardhmen. /Telegrafi/