Capital T rikthen vëmendjen te dhunimi i 11-vjeçares në Prishtinë: Përfundoi tash, lodhemi vetëm derisa t’i bëjmë fotot për Instagram

Ditë më parë Kosova u trondit nga dhunimi i një 11-vjeçareje në Prishtinë nga pesë persona, të cilët u arrestuan pak pas rastit të tmerrshëm.

Opinioni publik ka reaguar në mënyra të ndryshme duke shprehur revoltën e tyre edhe përmes e protesta edhe në Prishtinë dhe Tiranë.

Përveç qytetarëve, reagimet nuk kanë munguar as figurat publike dhe estrada shqiptare, disa prej të cilën edhe iu bashkuan protestave.

Por, e gjitha kjo sipas reperi Capital T nuk mjafton, pasi ai përmes një statusi në InstaStory që ka bërë mbrëmë (e enjte) tha se me të kaluar ditët ngjarja po lihet në harresë.

“A e dini çka më dhemb më së shumti, që sot askush nuk po fol për skandalin e përdhunimit, a u krye tash a? 1 ditë protesta dhe përfundoi, le të bëhet çka të bëhet. Këtu është gabimi, që ne lodhemi shpejt veç deri sa t’i kryejmë fotografitë për Instagram edhe u krye çka ndodh nuk ka rëndësi apo”, ka shkruar reperi.

Tutej, krijuesi i hitit “Kujtime” u shpreh se për raste të tilla nuk duhet të ndalemi deri sa të ndërrohen ligjet, madje ai tha se duhet digjet vendin nëse është nevoja.

Lexo po ashtu Capital T performoi i mbuluar tërësisht me maskë të zezë para publikut në Tiranë

“Nuk duhet të ndalemi deri sa të ndërrohet çdo ligj, e në qoftë nevoja edhe me e djeg këtë vend duhet me u bë se as ky shi që po bie nuk do të na i pastroj mëkatet”, u shpreh Capital T në postim. /Telegrafi/