Cancelo i lumtur me fitoren ndaj Napolit, Icardi e pëlqen postimin e mbrojtësit të Juves në Instagram

Juventusi fitoi me rezultat 1-2 ndaj Napolit në Serie A dhe në një mënyrë kështu vulosi mbrojtjen e titullit edhe pse ka edhe shumë xhiro deri në fund.

Tashmë është bërë pothuajse traditë që lojtarët të postojnë në rrjetet sociale pas një fitore duke falënderuar tifozët për përkrahjen.

Kështu bëri edhe Joao Cancelo, por postimi i tij është bërë lajm pasi është pëlqyer edhe nga ish-kapiteni i Interit, Mauro Icardi.

“Vetëm mund të bësh shumë, por së bashku mund të bëjmë gjithçka. Fitore e madhe, urime të gjithëve”, shkruan ish-mbrojti zikaltër në fotografinë e postuar në Instagram.

Pëlqimi i Icardit nuk është pritur mirë nga tifozët zikaltër, të cilët e shikojnë si të tepruar dhe të panevojshëm.

Lexo po ashtu Cassano edhe një herë debaton ashpër me Wandan: I gjithë faji është i asaj, Icardi mund të largohet

Ka disa xhiro që argjentinasi nuk është paraqitur për Interin për shkak të problemeve që ka me klubin nga Milano dhe në rast se vazhdon kjo situatë largimi i tij i verës është shumë i mundshëm.

Për 26-vjeçarin kanë shfaqur interesim Juve dhe Napoli nga Serie A, por edhe shumë klube të mëdha nga Liga Premier dhe La Liga. /Telegrafi/