Zëvendëskryeministri i Qeverisë, përgjegjës për çështje ekonomike, koordinim me resorët ekonomikë dhe investimet, Fatmir Bytyqi, ministrja e punës dhe politikës sociale, Jovana Trençevska, ministri për shoqëri informatike dhe administratë Admirim Aliti dhe këshilltari i kryeministrit të Qeverisë, Milan Zhivkoviq, sot realizuan takim pune me përfaqësues të Lidhjes së Sindikatave të Maqedonisë, të udhëhequr nga kryetari i LSM-së, Darko Dimovski, në të cilin temë kryesore ishin kërkesat e sindikatave për rritjen e pagës minimale në Republikën e Maqedonisë së Veriut.
Zëvendëskryeministri Bytyqi theksoi se Qeveria do të mbetet një partner social konstruktiv, i cili do të nxisë debatin dhe diskutimin për të gjitha çështjet e rëndësishme në shoqëri, siç është niveli i pagës minimale, dhe bëri të ditur se tashmë të mërkurën, më 2 shkurt nga ora 15:00, është caktuar seanca e Këshillit Ekonomiko-Social, në të cilën do të vazhdojë diskutimi mes të tre palëve sociale, ku pikë kryesore e rendit të ditës do të jetë pikërisht lartësia e pagës minimale.
Zëvendëskryeministri Bytyqi, ministrat Trençevska dhe Aliti, në diskutimin gjatë takimeve, theksuan se paga minimale do të vazhdojë të rritet dhe zgjidhja sistematike do të vijë përmes dialogut me të gjitha palët, kurse zgjidhja që do të propozohej sigurisht nënkupton qëndrueshmëri afatgjate për rritjen e pagës minimale në përputhje me rritjen e kostos së jetesës dhe rritjen e pagave mesatare.
Përfaqësuesit e LSM-së në takim përshëndetën vendimet e Qeverisë për “të dielën, ditë jo pune” dhe për ngrirjen e çmimeve të produkteve bazë deri në fund të shkurtit 2022.
Promo
Reklamo këtuLufta Prigozhin - Putin
Më shumëNga Rubrika
Escobar: Shqiptarët e Kosovës janë shumë pro-amerikan, gjë që forcon dhe stabilizon marrëdhëniet tona
Kurti priti Pastorin e Kishës Protestante Ungjillore “Bashkësia e Popullit të Zotit” bisedojnë për Projektligjin për liritë fetare
Deri me tani 313 serbë kanë konvertuar patentë shoferët ilegalë në RKS
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251