Butragueno pas shortit: Jemi të bindur se do ta eliminojmë Man Cityn

Drejtuesi i Real Madridit, Emilio Butragueno ka folur pas hedhjes së shortit për çerekfinalet e Ligës së Kampionëve.

UEFA ka hedhur sot (e premte) gjatë ditës shortin për çerekfinales e Ligës së Kampionëve dhe Real Madridi do të mund të ndeshet me fituesin e ndeshjes Juventus-Lyon.

Megjithatë, Mbretërit kanë punë për të bërë pasi do ta luajnë edhe ndeshjen kthyese në Etihad ndaj Manchester Cityt, pasi në Santiago Bernabeu janë mposhtur me rezultat 2-1.

Lexo po ashtu Hidhet shorti në Ligën e Kampionëve, priten përballje gjigante në çerekfinale

Për Butraguenon nuk ka shumë dyshime, pasi ai beson se Real Madridi do të arrijë të eliminojë klubin anglez dhe të kalojë në çerekfinale.

💫🆚 In the event that we qualify from the @ChampionsLeague round of 16, we will face the winners of @juventusfcen – @OL_English in the quarter-finals.#RMUCL | #HalaMadrid

— Real Madrid C.F. 🇬🇧🇺🇸 (@realmadriden) July 10, 2020

“Ne kemi besim të fortë te lojtarët tanë, jemi plotësisht të bindur se ata do të përmbushin pritjet, dhe përpiqemi të kalojmë në raundin tjetër, edhe pse ne do të përballemi me një kundërshtar të fortë si Manchester City”.

“Ata janë një ekip shumë i kompletuar me lojtarë fantastikë dhe do të jetë shumë e vështirë t’i mposhtim ata”.

Lexo po ashtu Nedved pas shortin: Së pari ta eliminojmë Lyonin, Real Madridi dhe Man City mund ta fitojnë Ligën e Kampionëve

“Por, ajo që duhet të bëjmë është të përpiqemi t’i mposhtim ata dhe të kualifikohemi për çerekfinale”, ka thënë Butragueno.

Ndryshe, ndeshja kthyese mes Mbretërve dhe Qytetarëve do të zhvillohet më 7 gusht. /Telegrafi/