Bëhet virale një video e reperit Buta në TikTok, ku shihet duke u larguar për në Angli?

Reperi Buta këto ditë ka qenë jashtë mase i përfolur në media, në lidhje me një vrasje të kryer në Ferizaj.

Sipas dosjes së prokurorisë, të cilën Kallxo e publikoi pak ditë më parë, djegia e veturës së reperit nga 30-vjeçari tashmë i ndjerë, ka qenë arsyeja që ka çuar në vrasjen e këtij të fundit nga vet vëllai i Butës.

Duke zgjedhur heshtjen mbi rastin e shumëpërfolur të këtyre ditëve, Buta thuhet se mund të jetë larguar tërësisht nga vendi.

Një video e cila është bërë virale tashmë në TikTok, e publikuar nga llogaria me emrin @zerro_nishi, tregon reperin (emri i vërtetë i të cilit është Betim Januzaj), në Aeroportin e Prishtinës, duke u larguar për në Mbretërinë e Bashkuar.

Lexo po ashtu Reperi Moss Della bën një sërë reagimesh e kërcënimesh publike që lidhen me rastin e fundit në Ferizaj

Ai shihet i vetëm i veshur në të zeza, me një çantë dore, duke u larguar për në Angli – megjithëse koha kur është realizuar kjo video nuk dihet.

@zerro_nishi #viral #bashbuta #kosovo #england #fy #fypシ ♬ Hasta – Bay Trapist

Videoja në fjalë është parë nga mbi 360 mijë persona në rrjetin social TikTok, duke u shpërndarë me të madhe gjithandej.

Buta përndryshe nuk ka bërë ende asnjë reagim zyrtar në lidhje me këtë ngjarje. /Telegrafi/