Bashkimi i Sindikatave të Pavarura të Kosovës është mjaft i shqetësuar pas marrjes së një informacioni nga mediat, ku Komisioni për Buxhet dhe Financa i ka rekomanduar Kuvendit të Kosovës një rritje të re për pagat të deputetëve.
Sipas rekomandimeve të Komisionit për Buxhet dhe Financa “këto kalkulime për ngritje të pagave për deputetët janë bërë duke u mbështetur në kursimet që janë siguruar nga disa linja buxhetore”.
Ky propozim për ngritje të pagave të deputetëve është një veprim i ngutshëm, kur dihet që një numër i madh i të punësuarve ballafaqohen me probleme të ndryshme për shkak të pagave të ulëta. Andaj, me këto kursime është dashur të zgjidhen të paktën disa nga kërkesat e punëtorëve, e jo deputetët menjëherë të kërkojnë ngritje pagash dhe privilegje që edhe ashtu i kanë të shumta.
Derisa udhëheqësit e institucioneve më të larta të Kosovës dhe përfaqësuesit e këtyre institucioneve bëjnë gara në mes veti se cili po i bën pagat më të larta, në anën tjetër shërbyesit civil, punëtorët e arsimit, shëndetësisë, policisë, energjetikës, administratës, judikaturës, minatorët etj, ballafaqohen me probleme të ndryshme për shkak të pagave të ulëta dhe standardit të ulët që mbretëron në Kosovë. Pastaj një numër i madh i punëtorëve largohen nga puna si pasojë e procesit të privatizimit.
Institucionet e Kosovës më tepër duhet të shqetësohen për hallet e punëtorëve dhe qytetarëve. Ato duhet të brengosen për varfërinë dhe papunësinë e madhe që mbretëron në Kosovë. Ato duhet të brengosen për të drejtat e punëtorëve dhe t’i zgjidh ato. Ato duhet të shqetësohen që nuk është duke funksionuar dialogu social mes partnerëve.
Deputetët e Kosovës është dashur të mendojnë mirë për një veprim të tillë, e jo të merren vetëm me zgjedhjen e problemeve të tyre përmes taksave të qytetarëve dhe punëtorëve të Kosovës.
Deputetët përfaqësojnë popullin dhe interesat e tyre. Ata duhet të punojnë për popullin. Kjo rritje e pagave për veten e tyre nuk po e dëshmon përkushtimin e tyre ndaj popullit.
BSPK-ja iu bën thirrje edhe njëherë institucioneve më të larta shtetërore të Kosovës që urgjentisht të merren me zgjidhjen e kërkesave të punëtorëve, në të kundërtën do t’i përdor të gjitha mjetet e saja sindikale për të gjetur ndonjë zgjidhje për realizmin e kërkesave të punëtorëve të Kosovës, thuhet në komunikatën e lëshuar sot nga Zyra për informim e BSPK-së.
Promo
Reklamo këtuLufta Prigozhin - Putin
Më shumëEmona Center ka zgjedhur sot fituesit e lojës së madhe shpërblyese
Për flokë dhe lëkurë rrezatuese: Këto 3 lloje të kolagjenit janë gjithçka që ju duhet
Pjesëmarrja në një Panair Pune: Pse është i rëndësishëm kur je duke kërkuar punë?
Girl you know it's true – një film për sensacionin global "Milli vanilli"
Si të gjeni punën e përkryer pa shpenzuar orë të tëra në kërkim – Telegrafi Jobs ka zgjidhjen
Stres i përditshëm? eBukura ju sjell këto dy produkte për një jetë më të qetë dhe të lumtur
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Santiana Maloku dhe Lirimi i japin fund lidhjes së tyre?
Persona të maskuar shihen në pjesën serbe të pikëkalimit kufitar në Bërnjak
Mbyllet edhe pika kufitare në Merdar, Sveçla: Ekstremistët e maskuar brenda Serbisë po kryejnë veprime fashiste
Trajneri i Rumanisë tregohet një profesionist i vërtetë kur flet për lojën e Kosovës
Sveçla: Mbyllet vendkalimi kufitar në Bërnjak, serbët maltretuan një familje shqiptare që po udhëtonte për në Gjermani
Gërvalla kërkon reagim nga bashkësia ndërkombëtare: Ndaleni Vuçiqin përpara se ai të shkaktojë luftë