Brooklyn Beckham dhe Nicola Peltz janë çifti më ri, të cilët tashmë kanë filluar edhe organizimin për dasmë.
Kjo u bë e ditur përmes dyshes, të cilët përmes rrjeteve sociale publikuan imazhe të ndryshme, por jo edhe momentin e propozimit, shkruan Daily Mail.
Brooklyn Beckham është ai që ka vendosur të ndajë disa fotografi, në cilat shihet duke i propozuar të dashurës së tij.
21-vjeçari është parë i ulur në gjunjë, ndërsa kërkon nga Nicola të bëhet gruaja e tij, me një unazë me vlerë prej 350 mijë dollarë.
Në postimin e parë ata shihen duke u përqafuar me njëri-tjetrin, pasi bukuroshja bionde kishte pranuar propozimin.
“Nuk mund të imagjinoj jetën pa ty, ti më bën të ndihem shumë special dhe më bën të qesh çdo moment”, është shprehur Brooklyn.
Ndërkaq, çifti janë duke planifikuar një dasmë tradicionale, e cila do të realizohet në një resort në Itali. /Telegrafi/
