Kaos, shpërthime, të shtëna armësh dhe trupa që kalben mes mbeturinave – mirë se vini në qytetin më të rrezikshëm në Tokë.
Sipas mediave të huaja, përcjell Telegrafi, bëhet fjalë për kryeqytetin e Haitit, Port-au-Prince, që është një qytet i shkatërruar, i rrethuar nga bandat e armatosura rëndë dhe trazirat e vazhdueshme politike.
Haiti e ka vuajtur prej kohësh titullin e kombit më të varfër në hemisferën perëndimore dhe kryeqyteti i mbushur me krime bart peshën kryesore të krizave të mbivendosura.
Tërmetet e vazhdueshme, inflacioni në rritje, trazirat civile, uria dhe një kolaps pothuajse total politik, të gjitha godasin Port-au-Prince.
Megjithatë, armiku i tij më i madh janë 200 bandat e armatosura të pamëshirshme që shkaktojnë terror, dhunë seksuale, tortura dhe paligjshmëri.
Ekspertët kanë thënë për “The Sun Online” se kriza tashmë është në “pikën më të nxehtë” pasi deri në 20 njerëz vriten në ditë nga një valë vrasjesh, përcjell Telegrafi.
Më e rrezikshmja prej këtyre bandave është i ashtuquajturi “koalicioni G9” i udhëhequr nga një kryekomandant i njohur si “Barbecue” – që përflitet se e ka fituar pseudonimin e tij për djegien e viktimave të tij.
Atje, fraksionet ndërluftuese e kanë ndarë qytetin dhe e kanë kthyer çdo ditë në një vend ku bëhet një luftë për mbijetesë.
Vakumi institucional në shërbim të bandave
Haiti mbeti i tronditur nga vrasja ende e pazbardhur e presidentit Jovenal Moïse në korrik të vitit 2021, e cila e zhyti vendin në paqëndrueshmëri dhe trazira të mëtejshme.
Dhe pa asnjë qeveri funksionale, një vakum pushteti ka mbetur pas – gati për t’u shfrytëzuar.
“Dhuna e armatosur ka arritur nivele të paimagjinueshme dhe të patolerueshme”, paralajmëroi botën në maj Michelle Bachelet, shefja në largim për të drejtat e njeriut të Kombeve të Bashkuara.
Tani, OKB-ja parashikon që bandat vdekjeprurëse kontrollojnë 60 për qind të Port-au-Prince – patrullojnë dhe barrikadojnë rrugët e tij dhe terrorizojnë popullsinë e qytetit.
“Fenomeni i bandave është kthyer në një kancer të metastazuar ku ata kontrollojnë kryeqytetin në të gjitha periferitë e tij”, ka thënë Dr Djems Olivier nga Universiteti Vincennes-Saint-Denis, i specializuar në bandat e Haitit.
Ai tha se kryeqyteti në rrënim është shndërruar në një “metropol të barrikaduar” nga milicia e armatosur, e cila ka “të drejtën e jetës dhe vdekjes mbi të gjithë popullsinë”.
Valët e reja të luftës së bandave çuan në një verë dhune në vitin 2022, ndërsa bandat luftuan mbi territorin dhe përleshjet shpërthyen në mënyrë të egër, duke u përhapur në zonat më parë paqësore.
OKB-ja dokumentoi mbi 1,300 vrasje, plagosje dhe zhdukje midis qershorit dhe shtatorit, duke arritur në rreth 20 të vrarë në ditë në kryeqytet dhe mijëra të dëbuar me forcë nga shtëpitë e tyre.
Por fuqia dhe dhuna e tyre është shumëfishuar duke u organizuar në “koalicione të ashpra territoriale”, më të mëdhatë prej të cilave janë G-9 dhe G-Pèp.
Këto forca gangstere imponojnë llojin e tyre të qeverisjes kriminale në qytet. Midis tyre zhvillohen betejat më të ashpra.
Dhe, për ata që janë bllokuar brenda territorit të kontrolluar nga bandat, rreziku qëndron në çdo cep.
Veç këtyre, rrëmbimi për shpërblim është një kërcënim i vazhdueshëm, ndërkohë që betejat me armë zhvillohen hapur nëpër rrugë, duke vrarë këdo që “kapet nga zjarri”.
Renata Segura, zëvendësdrejtoresha e Grupit Ndërkombëtar të Krizave për Amerikën Latine dhe Karaibe, tha për The Sun Online: “Ka një pikëpyetje të madhe se çfarë do të ndodhë kur të dilni nga shtëpia juaj çdo mëngjes.”
Është një qytet, tha ajo, ku njerëzit e zakonshëm përdoren si “mburoja njerëzore”, të vrarë, të zhvatur, me bizneset e tyre të grabitura dhe shtëpitë e tyre të djegura.
“Fëmijët mund të goditen nga një plumb kur janë rrugës për në shkollë”.
Siç vënë në pah mediat, përcjell Telegrafi, si kryesori i kësaj stuhie është Jimmy Cherizier, i njohur si Barbecue – kryekomandant luftarak brutal i koalicionit G9.
Ai e imagjinon veten si një “revolucionar”, një “burrë i popullit” i vetëshpallur që bën luftë kundër elitës.
Megjithatë, metodat e tij përfshijnë vrasjen, gjymtimin dhe zhvatjen e kujtdo që nuk ka fat që të bjerë nën kontrollin e tij.
Por ai mohon se pseudonimi i ka ardhur nga vënia e zjarrit viktimave të tij, përkundrazi pretendon se vinte nga mamaja e tij që ishte një shitës ambulante e pulave të skuqura.
Barbecue ka qenë e lidhur drejtpërdrejt me masakrat tmerruese të të varfërve në vitet e fundit, duke përfshirë vrasjen katër-ditore të vitit 2018 të 71 njerëzve në lagjen e varfër të La Saline.
Të fuqizuara nga kjo liri, bandat kanë aftësinë ta gjunjëzojnë Port-au-Prince dhe ata e kanë përdorur atë.
Në një shfaqje të egër fuqie, ata e ndërprenë vendin nga furnizimi i nevojshëm i karburantit. Veç kësaj, ata paralizuan qytetin duke parandaluar shpërndarjen e ushqimit, ujit dhe ilaçeve jetësore dhe e zhyti vendin në një krizë më të thellë humanitare. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Vdiq pasi vendasit e bindën të bënte dush: Historia e pabesueshme e ‘njeriut më të ndyrë në botë’ që kaloi 60 vjet pa u larë
Alarmon Blinken: Në Gazë janë vrarë më shumë civilë se terroristë
Vuçiq bisedon me Scholz, tregon për “ankesat për Kosovën” që i bëri te kancelari gjerman
Rusia shënoi numrin më të lartë të viktimave ditore që nga fillimi i luftës në Ukrainë - thotë Kievi
Protestat në Gjeorgji kanë vazhduar deri në mëngjes në një përpjekje të fundit për të parandaluar miratimin e "ligjit të Rusisë"
Vuçiq bisedon me Scholz, tregon për “ankesat për Kosovën” që i bëri te kancelari gjerman
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron
Erdogan kritikon rëndë SHBA-në dhe Evropën pasi sipas tij nuk po bëjnë sa duhet për arritjen e një armëpushimi në Gazë
Forcat ruse filluan një shtytje "të rrezikshme" në rajonin verilindor të Kharkivit të Ukrainës - vlerëson ISW
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Pamjet tregojnë ‘Old Trafford’ drejt shkatërrimit – Ronaldo kishte të drejtë kur foli për kushtet e klubit
Gjatë luftës në Kosovë, nana e ktheu fëmijën që po qante drejt kamerës e i tha: Bija e nanës tregoji botës se çka po na bëjnë!
Wayne Rooney zbulon skandalin e lojtarëve të Man United - nëse vërtetohet do ketë pasoja
Ish-ylli i Liverpoolit zbulon trajnerin e ardhshëm të Man United – thotë se ia tregoi një lojtar aktual i tyre
Alarmoi drejtori i Antikorrupsionit, deputeti Basha kërkon të hetohet rasti i politikanit që fshehu 5 milionë euro në bankën e Zvicrës
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron