Grupi "BP Home Investment LLC" është vlerësuar me tri çmime të rëndësishme nga Oda Ekonomike e Kosovës, duke u shpallur:
-Tatimpaguesi i Vitit 2024 -Eksportuesi i Vitit 2024 -Punëdhënësi i Vitit 2024
Ceremonia e ndarjes së çmimeve u mbajt të premten në praninë e qindra përfaqësuesve të bizneseve të njohura nga Kosova, rajoni dhe më gjerë.
Në ngjarje morën pjesë edhe përfaqësues të ambasadave të huaja, duke e shndërruar këtë event në një pikë kyçe për rrjetëzimin dhe vlerësimin e arritjeve ekonomike.
Në fjalimin e tij, kryetari i Odës Ekonomike të Kosovës, Lulzim Rafuna, vlerësoi kontributin e jashtëzakonshëm të bizneseve vendore në zhvillimin ekonomik të vendit.
Ai theksoi rëndësinë e tatimpaguesve dhe eksportuesve në promovimin e Kosovës si një destinacion ekonomik konkurrues në rajon.
Ky vlerësim për BP Home Investment LLC nënvizon rolin e saj të rëndësishëm në sektorin ekonomik të Kosovës dhe një model frymëzimi për bizneset e tjera.
