Bota në duart tuaja – Telegrafi me rubrikë të veçantë për lajmet ndërkombëtare

Problemet ekonomike, pandemitë shëndetësore, siguria; të gjitha ngjarjet në shtetet tjera, në mënyrë direkte apo indirekte mund të ndikojnë edhe në jetët tona.

Informimi – si një prej pjesëve më të rëndësishme në përditshmërinë e njeriut – merr formë të plotë kur nuk ka kufij.

Prandaj Telegrafi, si portali i parë shqiptar që prioritet e ka informimin e saktë e të shpejtë, ka vendosur t’i thyejë kufijtë e informimit, duke i ndarë në kategori të veçantë lajmet nga bota pas interesimit të madh të lexuesve.

Numri i shtuar i stafit për këtë kategori dhe ndryshimet teknologjike në platformë do të përkujdesen që çdo lexues të informohet për të gjitha lajmet ndërkombëtare më gjerësisht e më saktësisht.

Një prej fokuseve kryesore do të jetë edhe parandalimi i “Fake News”, duke u siguruar për konfirmim të lajmit para publikimit.

Në kategorinë “Bota”, përveç lajmeve nga rajoni e bota, po ashtu do të ketë edhe lajme nga Shkenca dhe Kuriozitete për zgjerimin e njohurive të lexuesit.

Duke qenë prezent edhe si aplikacion në dy platformat – iOS e Android – Telegrafi vërtet se jua ofron Botën në duart tuaja!

Për t’i parë lajmet nga kategoria “Botë”, klikoni KËTU.