Bonucci: Dua të bëj histori me Milanin

Leonardo Bonucci thotë se është i gatshëm të “shkruajë histori me Milanin” dhe se Rossonerët janë ” të uritur për të fituar”.

Transferimi i Bonuccit te kuqezinjtë është bërë javën e kaluar prej Juventusit, ku ky i fundit arkëtoi 30 milionë euro.

Mbrojtësi italian foli me admirim për futbollistët legjendarë të ekipit nga San Siro.

“Kur mendoni për Milanin, natyrisht ju shkon ndërmend për historinë e ekipit. Gjithë atyre kampionëve që kanë veshur ngjyrat e famshme të ekipit,” shkroi italiani në Instagram.

“Unë mendoj për Baresin, Costacurtan, Maldinin, Nestan, Tassottin. I admiroj ata për atë që kanë dhënë për këtë Klub. Ata janë legjenda”.

“Sfida fillon tani, një aventurë e re fillon sot bashkë me shokë të cilët, si unë, janë të uritur për të fituar.

“Unë do të doja të falënderoja gjithë ekipin, drejtorin Fassone Mirabelli dhe trajnerin Montella, të cilët më kanë mbështetur fuqishëm dhe më kanë bërë të ndihem i dobishëm për këtë plan ambicioz”, ka shkruar Bonucci. /Telegrafi/