Apple është duke punuar në fshehtësi në teknologjinë satelitore dhe pa tel (wireless), sipas burimeve të paemërtuara të cituara nga Bloomberg, në mënyrë që të rrezatojë direkt internetin në pajisjet e tyre.

Prodhuesi i iPhone, me bazë në Kaliforni, ka disa inxhinierë nga industritë e projektimit të hapësirës ajrore, satelitore dhe antenave, që punojnë në projekt me qëllim të vendosjes së rezultateve të tyre brenda pesë viteve.

Poashtu, Bloomberg përmend që projekti është në fazat e tij të hershme, dhe mund të braktiset në të ardhmen.

Nëse, megjithatë, ai kalon, Apple mund të anashkalojë transportuesit e internetit dhe të fus rrezet direkt në pajisjet e tyre.

Skenarët e tjerë të përdorimit do të ishin ndërlidhja e këtyre pajisjeve në mungesë të një rrjeti tradicional. /Telegrafi/