Bleona Qereti shkëlqen në Hollywood: Flet në gjuhën shqipe në filmin “Chief of Station”

Këngëtarja e talentuar shqiptare, Bleona Qereti, e cila ka kohë që ka vendosur të jetojë dhe të punojë në Shtetet e Bashkuara të Amerikës, ka bërë një hap të rëndësishëm në karrierën e saj si aktore.

Bleona ka konfirmuar pjesëmarrjen e saj në kastin e filmit “Chief of Station”, një projekt hollivudian nën drejtimin e njohur të regjisorit Jesse V Johnson. Premiera e filmit u zhvillua vetëm dy ditë më parë, më 3 maj.

Chief of Station” sjell në ekran historinë e një ish-agjenti të FBI-së, jetën e të cilit e trondit vdekja tragjike dhe e papritur e bashkëshortes. Gjithçka merr një kthesë të re kur merr lajmin e dyshimtë se vdekja e saj mund të mos ketë qenë thjesht një aksident. Në kërkim të së vërtetës, ai vihet në gjurmët e një piste të rrezikshme dhe të errët që e çon në zemrën e Evropës Lindore. Aty, ai bashkëpunon me një ish-armik në përpjekjet e tyre për të zbuluar një komplot që kërcënon të rrëzojë të gjitha besimet që kishte për jetën e bashkëshortes së tij.

Bleona Qereti jo vetëm që ka marrë një rol në këtë film, por gjithashtu ka shkëlqyer në të, duke i dhënë projektimit një prekje të veçantë, pasi në trailerin e publikuar në profilin e saj në Instagram, ajo dëgjohet duke folur në gjuhën shqipe.

Kjo veçori i shton edhe më shumë vlerë prezantimit të aktresës në skenën ndërkombëtare, duke promovuar kulturën dhe gjuhën shqiptare.

Bleona ka ndarë entuziazmin e saj me ndjekësit, duke shkruar: “Mezi pres që të gjithë të shkoni për ta parë”. /Telegrafi/

View this post on Instagram

A post shared by B L E O N A (@bleona)

View this post on Instagram

A post shared by B L E O N A (@bleona)