Blakaj: Në Kosovë për krime lufte janë dënuar gjashtë serbë, në Serbi për krime të kryera në Kosovë janë dënuar 15 serbë (Video)

Bekim Blakaj nga Fondi për të Drejtën Humanitare (FDH) ka thënë se në Serbi, nga gjykatat e atij vendi, për krime të kryera në Kosovë janë dënuar 15 serbë.

Blakaj, në “Dossier D” në RTV Dukagjini, ka thënë se në Kosovë shumica e të dënuarve për krime lufte kanë qenë shqiptarë ndërsa për këto krime janë dënuar vetëm katër serbë.

Drejtori ekzekutiv i Fondit për të Drejtën Humanitare në Kosovë (FDH Kosovë), ka thënë se për kundër që kriminelët e luftës në Serbi fshihen dhe nuk dënohen, gjykatat e atij vendi kanë dhënë disa dënime me burg për krime të kryera në Kosovë.

“Ekziston një prokurori dhe disa dhoma të specializuara për krime lufte të kryera në Kosovë. Sipas të dhënave që ne (FHD) i kemi para këtyre gjykatave janë dënuar 15 serbë për krime të kryera në Kosovë”, tha ai, përcjell Telegrafi.

Blakaj ka thënë se nga Gjykata e Hagës deri më tani ka dënuar gjashtë serbë për krime të kryera në Kosovë.

“Të dënuarit serbë nga Haga janë bartës të institucioneve serbe, sidomos atyre të sigurisë, që kanë marrë aktgjykime të plotfuqishme”, tha ndër të tjera Bekim Blakaj./Telegrafi/