Biznesmeni shqiptar e pranon se është homoseksual, tregon reagimin e familjes

Biznesmeni i njohur shqiptarë Elton Ilirjani, është një ndër më të njohurit në vend dhe shkak për këtë është bërë prirja e tij seksuale.

Ai e ka deklaruar disa herë publikisht se është homoseksual.

I ftuar pasditen e sotme tek “Rudina”  Elton Ilirjani, i pyetur nga Rudina Magjistari si e mori vesh familja, si ka qenë përballja me ta, Ilirjani tregoi se familja e kishte marrë vesh orientimin e tij seksual nga një letër e cila kishte bërë bujë.

“Unë simpatizoja dikë dhe i nisa një letër. Ajo letër u bë bujë dhe e morën vesh të gjithë, edhe familja ime. Pas atij momentin babi im më pyeti: Ç’ishte ajo letër? Dhe i tregova se ishte për dikë që kam simpati.

Ai u trondit, nuk iu bë qejfi sigurisht dhe më tha: Kjo që ke nisur të bësh është zgjedhja më e vështirë në Shqipëri.

Mamaja e kishte më të vështirë ta pranonte, nuk më ka thënë kurrë asgjë, por unë e ndjeja. Kushërira ime në fshat Brunilda ka qenë mbështetje e madhe dhe kur rrija me të isha krejtësisht i qetë”, tregoi Ilirjani.