Bëni sytë të duken të ngrehur me këto truke që i sugjeron influencerja në Instagram

Një influencere e njohur në Instagram ka ndarë së fundmi me ndjekësit e saj një teknikë të thjeshtë, por tepër efektive, për t’i dhënë syve një pamje më të ngritur dhe më të gjallë – pa ndihmën e procedurave estetike.

Me vetëm disa produkte bazë make-up-i dhe pak praktikë, mund të arrini një look elegant dhe ‘ngrehje’ që thekson bukurinë natyrale të syve tuaj.

Truku fillon me aplikimin e korrektorit në zona kyçe që ndihmojnë në krijimin e iluzionit të ngritjes. Korrektori aplikohet:

Në skajin e jashtëm të syrit, duke e tërhequr lehtësisht drejt pjesës së sipërme të fytyrës;

Nën pjesën e jashtme të vetullës, për të theksuar formën natyrale dhe për t’i dhënë syrit një pamje më të hapur;

Kjo teknikë jo vetëm që ndriçon këto zona, por gjithashtu i jep syrit një efekt “lifting” të menjëhershëm.

View this post on Instagram

A post shared by Eva Larosa (@evalarosaxo)

Pas aplikimit të korrektorit, influencuerja vendos bronzer në skajin e jashtëm të qepallës së sipërme. Ajo e aplikon atë në një lëvizje diagonale, duke e tërhequr ngjyrën drejt pjesës së jashtme të syrit – një truk i njohur për të ngritur vizualisht konturin e syve.

Bronzeri më pas shkrihet butësisht me një brushë për të krijuar një kalim të natyrshëm dhe pa linja të forta. Sipër këtij grimi aplikohet një shtresë e hollë pudre transparente, për të fiksuar produktet dhe për të garantuar që look-u të zgjasë gjatë gjithë ditës.

Për ta fuqizuar më tej formën dhe thellësinë e syve, aplikoni një hije ngjyrë kafe në pjesën e kapakut të syrit. Kjo shton kontrast dhe thekson pamjen ‘lifting’ të krijuar nga bronzeri dhe korrektori.

Ngjyra kafe është zgjedhja ideale pasi përshtatet me çdo ton lëkure dhe është perfekte për një pamje elegante, qoftë për ditë apo mbrëmje. /Telegrafi/