Belotti refuzon dy oferta të larta financiare për ta bërë ëndrrën realitet

Andrea Belotti nuk do të largohet nga Torino, së paku deri në afatin kalimtar të verës.

Sulmuesi italian është futur në vitin e fundit të kontratës me torinezët dhe nuk ka pranuar të vazhdojë bashkëpunimin me klubin.

Kjo ka bërë që shumë oferta të vijnë në drejtim të tij, por Belotti e ka të qartë tanimë se ku do të transferohet në afatin kalimtar të verës.

28-vjeçari ka refuzuar skuadrën arabe Al-Hilal dhe atë angleze Newcastle United, edhe pse ofertat e tyre ishin shumë të mira financiarisht.

Reprezentuesit italian i është ofruar një pagë rreth tetë milionë euro si nga arabët ashtu edhe nga anglezët, por asnjëra nuk i ka bërë përshtypje edhe pse kjo shumë është dyfishi që ai fiton aktualisht.

Mediat në Itali kanë raportuar se Belotti ka refuzuar këto oferta për ta bërë ëndrrën realitet në verë, pasi do transferimin te Milani.

Reprezentuesi italian ka ëndërr të luaj për Milanin dhe synon që ta kompletoj transferimin te Rossonerët në verë.

Gjithsesi në garë për në verë mbetet edhe Toronto FC që mund t’i ofrojë edhe më shumë Belottit dhe ta bashkoj atë me Lorenzo Insignen në MLS. /Telegrafi/