Bëhu banor i kryeveprës së Prizrenit – Grand Residence

Prizreni i bukur po bëhet edhe më modern me kompleksin madhështor dhe unik Grand Residence i cili ndodhet vetëm 1.3 km nga qendra e qytetit (përballë lagjes Dardiania, Jaglenicë) e që do të jetë shtëpia e ardhshme për rreth 780 familje.

Kjo kryevepër e Prizrenit, është një strukturë madhështore arkitekturore, perfekte për ata që kërkojnë ngrohtësi dhe elegancë, duke u bërë kështu i përshtatshëm për personat me shije, stile dhe nevoja të ndryshme të jetës.

Kompleks me mbi 10.000 metra katrorë hapësirë gjelbëruese

Kompleksi ka mbi 10.000 metra katrorë hapësirë gjelbëruese, ku janë kombinuar kushtet e përsosura përreth natyrës përrallore me ajër të pastër e ambient të rehatshëm dhe të qetë, e të gjitha këto e bëjnë kompleksin Grand Residence vend ideal e të përshtatshëm për çdo familje.

Një jetesë e shëndetshme arrihet më së miri në Grand Residence, ku brenda pak hapash gjeni parqe të gjelbra me hapësira për shëtitje,  kënde lojërash, kënde sportive dhe njësi të ndryshme shërbyese argëtuese. Grand Residence është i ideuar për të qenë një qytezë e gjelbër. 

Ky është vendi ku fryma dhe ngazëllimi i jetës së qytetit, takohet me një tërheqje të qetë të jetesës, duke sjellë së bashku hapësira të blerta të hapura, ajër të pastër, të gjitha të bashkuara në një komunitet të sigurt me ndërtim luksoz rezidencial që paraqet dizajn modern dhe komoditete të nivelit të lartë. 

Arkitektë me përvojë shumë vjeçare që kanë ideuar parqe të ndryshme në Zvicër, kanë planifikuar mbjelljen e drunjve të veçantë me lule shumë ngjyrëshe e ujitje konstante, në mënyrë që Grand Residence të jetë përgjatë gjithë vitit i gjelbër dhe relaksues për të gjithë banorët. 

E për adhuruesit e sportit, shtigjet e dedikuara për vrapim në natyrë i japin frymë kompleksit, larg kaosit të qytetit me pluhur e zhurmë. Banorët do të kenë mundësi të shumta për t’u relaksuar brenda kompleksit duke vrapuar e jetuar shëndetshëm në një vend të sigurt dhe me kushte të përsosura.

Hapësirë fitnesi dhe pishina brenda kompleksit 

Inspiruar nga komplekse superiore evropiane, shtëpia juaj e ardhshme ka projektuar hapësira të dedikuara enkas vetëm për femra për të ushtruar fitnes me pajisje të shumta gjatë kohës së tyre të lirë. Po ashtu, është projektuar pishinë e posaçme për femra për t’u relaksuar e zbavitur brenda kompleksit duke e bërë kështu kompleksin Grand Residence unik në llojin e vet në Republikën e Kosovës. 

Njësoj janë projektuar hapësira të dedikuara enkas vetëm për meshkuj për të ushtruar fitnes me pajisje të shumta gjatë kohës së tyre të lirë. Gjithashtu, është projektuar pishinë e posaçme për meshkuj për t’u relaksuar e zbavitur brenda kompleksit.

Sistem i avansuar për siguri, teknologji dhe hapsirë të bollshme parkingu

Kërkoni siguri? Ky është prioriteti i tyre! E gjithë hapësira e brendshme dhe e jashtme e Grand Residence do të jetë e siguruar gjatë 24 orëve përmes sistemeve më të avancuara të kontrollit dhe sigurisë. Projektuesit e kompleksit kanë paraparë kamera inovative që mundësojnë mbulueshmëri prej 360 shkallësh të gjithë hapësirave, për të ofruar kështu siguri të plotë për të gjithë banorët. 

Parkimin si domosdoshmëri e ditëve të sotme, Grand Residence e ka zgjidhur duke ju ofruar 40.000 metra katrorë të dedikuara vetëm për parkingje nëntokësore, duke u siguruar kështu që kompleksi Grand Residence në hapësirën e saj të jashtme të ruaj qetësinë e jetesës së banorëve pa zhurma e kaos të veturave. Sistemet e sigurisë, mbikëqyrjes dhe ato të zjarrit, gjatë 24 orëve sigurojnë që automjetet tuaja të jenë të sigurta. 

Për të ndjekur trendet transformuese të jetës, Grand Residence ndjek hapat e fundit të teknologjisë së ndërtimit inovativ. Në hapësirat e parkingjeve të kompleksit Grand Residence do të ketë edhe mbushës elektrik për veturat e së ardhmes. Kjo do t’u mundësoj banorëve që brenda hapësirës së tyre të pushojnë e relaksohen, derisa vetura e tyre të mbushet energji për një rrugë tjetër të re.

Çerdhe për fëmijët dhe Poliklinikë brenda hapsirave të Grand Residence

I ideuar për të qenë në shërbim të të gjitha moshave, familjet e reja që do të bëhen pjesë e një jete të re nuk do të kenë problemin e kujdesit për fëmijët e tyre. Çerdhja për fëmijët brenda hapësirave të Grand Residence do të ndikojë shumë që më të vegjlit e lagjes të rriten e socializohen së bashku që nga hapat e parë të jetës. Krahas çerdhes, fëmijët do të kenë mundësi të luajnë në këndet e lodrave dhe kështu të bashkëjetojnë me të gjitha moshat e banorëve të lagjes.

Si kompleks superior, Grand Residence do të ofrojë për banorët e vet të gjitha shërbimet shëndetësore nëpërmjet Poliklinikës që do të ndodhet brenda kompleksit. Departamenti i Mjekësisë Familjare në Poliklinikë por edhe Departamentet tjera mjekësore do të ofrojnë   shërbime cilësore për të gjithë. Këtu do të bëhet diagnostikimi, shërimi dhe kujdesi, me qëllim të mbrojtjes së shëndetit të banorëve.

12.000 metra katrorë hapësirë komerciale për biznese

Dëshironi të hapni biznes në lokalet e Grand Residence? Patjetër! Vendndodhja strategjike e Grand Residence, ju ofron mundësinë që  biznesi juaj të arrijë potencialin e tij të plotë, duke ju dhënë lëvizje të  vazhdueshme të klientëve duke ju ofruar rreth 12.000 metra katrorë hapësirë komerciale për biznese të profileve të ndryshme. 

Të gjitha bizneset në Grand Residence kanë qasje edhe në rrugë edhe në pjesën mbrapa për banorët e kompleksit. Të projektuara për të qenë shumë funksionale, hapësirat e dedikuara  për biznese në Grand Residence janë shumë fleksibile dhe mund të akomodojnë bizneset sipas kërkesave të tyre. 

Hapsirë enkas për turistët që vizitojnë Prizrenin e bukur

E projektuar si qytezë ultra moderne, Grand Residence do të jetë adresë shumë e vlefshme dhe tërheqëse edhe për turistë të shumtë që adresë të parë për të vizituar Kosovën e kanë kryeqytetin kulturor e historik të Prizrenit. Për këtë arsye në kompleks gjendet edhe një hapësirë e  dedikuar për Butik Hotel për akomodim të turistëve. Kjo zonë do të rrisë vlerën e investimit në apartamentet e juaja  të cilat, në rast dëshire mund t’i shfrytëzoni edhe për qiradhënie nëpërmjet platformave të ndryshme ndërkombëtare për turistë të huaj që vizitojnë Prizrenin.

Ku gjen ma mirë? Askund tjetër përveçse në Grand Residence!

Kompleksi Grand Residence është i projektuar në disa blloqe që përbëhen nga disa tipe të apartamenteve me dimensione të ndryshme, të konceptuara për familje më të vogla por edhe ato më të mëdha. 

Zgjidhni apartamentin tuaj që i përshtatet më së miri familjes tuaj dhe jetoni si më së miri!

Për më shumë informacione vizitoni:

Facebook: Grand Residence Prizren

Instagram: grandresidence1

Tel: +38348760006