Behgjet Pacollit ia kërkuan 850 mijë euro për ta “shpëtuar” nga Specialja, ngritët aktakuzë ndaj një personi

Prokuroria Speciale ka ngritur aktakuzë ndaj një personi nën dyshimin se ka kërkuar 850 mijë euro nga Behgjet Pacolli, për kinse ka informacione dhe do që ta shpëtojë nga hetimi i Gjykatës Speciale.

Sipas prokurorisë, personi me iniciale E.H, ishte prezantuar rrejshëm si bashkëpunëtor dhe person me ndikim te prokurorët e specializuar të Gjykatës Speciale në Hagë.

Më vonë ai kishte prezantuar provat në rastet e imagjinuara ndaj tij.

E.H, fillimisht ka kërkuar fillimisht 850 mijë, më pas e kishte zbritur në 190 mijë. Më pas e kishte kërcënuar edhe vajzën e tij duke i dërguar mesazh “Babai yt është në rrezik dhe ti mundesh me evitua situatën”.

Ndaj kësaj ka reaguar edhe këshilltari i Pacollit, Jetlir Zyberaj

Përmes një shkrimi në Facebook, Zymberaj thotë se secili rast kërcënimi apo shantazhi do të drejtohet në organet e sigurisë.

Zymberaj thekson se Pacolli kurrë s’ka qenë subjekt i ndjekjes nga ndonjë gjykatë apo prokurori.

“Zoti Pacolli asnjëherë nuk ka qenë subjekt i ndjekjes nga ndonjë gjykatë apo prokurori. Ashtu siç e kemi paralajmëruar edhe më herët secili rast kërcënimi, shantazhi, fyerje ose ofendimi do të drejtohet në mënyrë të menjëhershme për tek organet e sigurisë, të cilat pastaj do të trajtojnë ato raste. Liria e secilit individ përfundon kur cenohet liria e tjetrit”, ka shkruar Zyberaj./Telegrafi/

Postimi i plotë i Zymberajt

Sa për sqarim:

1. Zoti Pacolli asnjëherë nuk ka qenë subjekt i ndjekjes nga ndonjë gjykatë apo prokurori.

2.Ashtu sic e kemi paralajmëruar edhe më herët secili rast kërcënimi, shantazhi, fyerje ose ofendimi do të drejtohet në mënyre të menjëhershme për tek organet e sigurisë, të cilat pastaj do të trajtojnë ato raste.

Liria e secilit individ përfundon kur cënohet liria e tjetrit.