Shtëpia e modës Armani njoftoi në një njoftim për shtyp lajmin e vdekjes së themeluesit të markës, Giorgio Armani, i cili vdiq në Milano në moshën 92 vjeçe.
Përmes një deklarate u publikuan gjithashtu edhe detajet e funeralit të Armanit, ceremoni për të cilën thanë se do të jetë private.
"Salla e funeralit do të hapet nga e shtuna, 6 shtator deri të dielën, 7 shtator, dhe do të jetë e hapur nga ora 9:00 deri në 18:00 në Milano, në Via Bergognone 59, brenda Armani/Teatre. Në përputhje me dëshirat e shprehura të zotit Armani, funerali do të mbahet privatisht", thuhet në deklaratë.
Legjenda në botën e modës
Giorgio Armani ishte një stilist legjendar italian i modës dhe themelues i shtëpisë së modës Armani, sinonim i elegancës, minimalizmit dhe luksit të përjetshëm.
Ai e lansoi markën e tij në vitin 1975 dhe shpejt pushtoi botën me veshjet e tij të ri-përcaktuara për meshkuj dhe stilin e sofistikuar.
Perandoria e tij e modës përfshinte veshje, parfume, ora, dekorime të brendshme dhe hotele, dhe ai veshi shumë yje të Hollivudit.
Ai qëndroi në krye të kompanisë së tij për pjesën tjetër të jetës së tij, i vendosur të mbetej i pavarur dhe la një gjurmë të qëndrueshme në modën globale.
Pas lajmit të vdekjes së tij, shumë personazhe të famshëm nga bota e modës, filmit dhe muzikës i kanë bërë homazhe stilistit të famshëm. Stilistja Donatella Versace, si dhe aktorja Julia Roberts dhe kryeministrja italiane Giorgia Meloni, janë vetëm disa nga emrat e famshëm që i kanë dërguar homazhe prekëse.
