Bebe Rexha tregon se mbjell një kopsht me domate në shtëpinë e saj luksoze: Babai im u rrit në një fermë në Maqedoni, ai më mësoi kopshtarinë

Këngëtarja shqiptare me famë botërore, Bebe Rexha, jeton në Los Angeles të Kalifornisë prej më shumë se 10 vitesh.

Por ajo është lindur e rritur në New York dhe shpesh viziton familjen e saj atje, përkatësisht prindërit, të cilët vazhdojnë t’i jetojnë në shtëpinë e tyre në Staten Island të New Yorkut.

Rexha e cila është duke shijuar suksesin e albumit të saj të dytë, “Better Mistakes”, ka treguar së fundmi për US Weekly disa fakte interesante rreth saj, të cilët fansat mund të mos i kenë ditur më parë.

Mes shumë fakteve të përmendura rreth vetes, ajo thotë se kur kthehet në New York te shtëpia e prindërve të saj, vazhdon ende të flejë në të njëjtën dhomë ku ka fjetur gjithmonë gjatë kohës sa është rritur.

Lexo po ashtu Bebe Rexha tregon se e mori patent-shoferin në moshën 29 vjeçare: Më përpara, përdorja transportin publik kudo

Një fakt interesant që 31-vjeçarja e bëri të ditur për fansat është fakti se pavarësisht se është një milionere dhe shumë e ngarkuar me punë, ajo gjen kohë që në shtëpinë e saj luksoze në Los Angeles, të kultivojë një kopsht me perime.

“Unë kam një kopsht të madh me domate në oborrin tim. Babai im u rrit në një fermë në Maqedoni dhe më mësoi pak për kopshtarinë”, ka treguar Bebe Rexha për US Weekly.

Babai i këngëtares, Flamur Rexha, është rritur në Dibrën e Madhe të Maqedonisë së Veriut nga ku edhe familja e saj ka prejardhjen, gjersa nëna e saj, Bukurije Rexha, është me prejardhje nga Gostivari.

Kjo e shpjegon edhe faktin se pse disa herë në InstaStory, këngëtarja e hiti “I’m a mess” publikon pamje të kopshtit të saj me domate, duke treguar për mënyrën se si e mirëmban.

Përndryshe, Bebe Rexha së fundmi në një intervistë ekskluzive për Telegrafin, foli për dëshirën e saj të madhe për ta vizituar Kosovën për herë të parë në një të ardhme të afërt. /Telegrafi/