Bebe Rexha shkëlqen me paraqitjen në koncertin e fundit, ndërsa provokon me dekoltenë e hapur

Këngëtarja shqiptare me famë ndërkombëtare, Bebe Rexha, po vazhdon të jetë shumë e angazhuar me koncerte të ndryshme.

Pas turneut evropian, ajo ka performuar në eventin e “Z100NewYork” në qytetin e saj të lindjes – New York City.

Ajo ka entuziasmuar turmën me interpretimin e disa prej hiteve të saj më të fundit – kryesisht këngë nga albumi i saj “Bebe” të cilin e nxori në shitje këtë vit.

Këngëtarja e hitit “I’m A Mess” ndau me ndjekësit e saj në rrjetet sociale disa fotografi nga paraqitja e saj në këtë event, ku është dukur mjaft me stil.

Lexo po ashtu Duke vallëzuar i ekspozohet gjoksi, Bebe Rexha e mbulon me duar dhe qesh teksa kërcen nën ritmet e këngës së saj të re

E veshur me një kostum të zi dhe të dekoruar me gurë te pjesa e gjoksit, 33-vjeçarja ka bërë që të gjithë fansat ta pëlqejnë për këtë paraqitje të saj.

Bebe Rexha pas mbarimit të turneut të saj “Best F*n Night Of My Life” në Amerikën e Veriut, vazhdoi me atë në Evropë dhe tani i kanë mbetur disa koncerte.

Ajo së fundmi u nominua për çmimin “Bashkëpunimi më i mirë” në eventin e madh të ndarjes së çmimeve, MTV Video Music Awards 2023, për bashkëpunimin “I’m Good (Blue)” me David Guettan. /Telegrafi/