Bayern Munich ka një objektiv të ri numër një për të zëvendësuar Tuchelin, nuk është më Xabi Alonso

Bayern Munich ka identifikuar tashmë një objektiv të ri kryesor për të zëvendësuar trajnerin aktual Thomas Tuchel dhe nuk është ish-mesfushori i tyre, trajneri i tanishëm i Bayer Leverkusenit, Xabi Alonso.

Turneu i menaxherëve do të vazhdojë këtë verë, me Bayernin klubin e fundit që njofton se ata janë në kërkim të një fytyre të re për të marr drejtimin.

Tuchel, i cili u emërua në këtë rol në vitin 2023, do të largohet nga klubi në fund të sezonit 2023/24 pasi ka mbetur dhjetë pikë prapa liderit të Bundesligës, Bayer Leverkusen.

Ndërsa disa emra janë përmendur si zëvendësues të mundshëm, u duk se trajneri i Leverkusenit dhe ish-lojtari i Bayernit, Alonso, ishte kryesuesi për të pasuar Tuchel.

Lexo po ashtu Garë e ashpër mes Bayernit dhe Liverpoolit, drejtori gjeneral i Leverkusenit flet për të ardhmen e Alonsos

Sipas Sky Sports Germany, Bayern thuhet se ka hapur bisedimet me Alonson në lidhje me këtë rol, pasi Liverpooli gjithashtu monitoron 42-vjeçarin si një opsion i mundshëm për të zëvendësuar Jurgen Klopp këtë verë.

Megjithatë, zhvillimi i fundit në klubin bavarez ka parë që një emër i ri të shfaqet si një favorit për këtë rol.

Gazeta italiane La Repubblica raporton se ish-trajneri i Chelseat dhe Tottenham Hotspur, Antonio Conte është tani ’emri i parë’ në listën e Bayernit.

Conte thuhet se është kontaktuar muajt e fundit dhe është një ‘prioritet’ për gjigantët gjermanë. Edhe pse negociatat nuk do të jenë të lehta, pasi italiani po lidhet edhe me Manchester Unitedin dhe kampionin në fuqi të Serie A, Napolin.

54-vjeçari ka qenë pa punë që kur u largua nga Spurs në vitin 2023 dhe nëse do të pranonte rolin me Bayernin, do të ishte hera e parë që ai ka arritur në Gjermani gjatë karrierës së tij të shquar 18-vjeçare.

Rekordi i tij flet vetë për sa i përket arritjeve të tij, me një titull në Ligën Premier, një FA Cup dhe katër tituj të Serie A. /Telegrafi/