Bartomeu, fituesi i mposhtur

Vendimi i Lionel Messit për të qëndruar në Barcelona për sezonin 2020/21 mund të shënohet si një fitore për presidentin Josep Maria Bartomeu.

Presidenti qëndroi i vendosur në pozicionin e tij dhe i bëri të qartë argjentinasit se ai nuk do të largohej për asgjë nën klauzolën e tij të lirimit prej 700 milionë euro, e cila ishte thelbësore në nxitjen e Messit për të ndryshuar qëndrimin e tij.

Por, çdo festim që Bartomeu do të kishte planifikuar u ndërpre nga intervista e Messit me mediumin e njohur Goal.com.

Lexo po ashtu Pasojat e qëndrimit të Messit te Barcelona

I lënduar nga mënyra se si është trajtuar, numri 10 nuk mbajti asgjë fshehur dhe ishte i qartë në kritikat e tij ndaj presidentit.

Messi ka qenë kritik ndaj figurave të klubit në të kaluarën, por kurrë aq i drejtpërdrejt ndaj presidentit sa të premten.

Kapiteni i Barcelonës foli për projektin inekzistent që Bartomeu kishte në klub, dhe madje e akuzoi atë si një gënjeshtar për mënyrën se si ai kishte premtuar se Messi mund të largohej sa herë që të dëshironte, për t’i mohuar atij largimin kur ajo kohë arriti.

Lexo po ashtu Goditjet që Messi ia dha Bartomeut: Nuk e mban asnjë fjalë

Messi e ka bërë të qartë se ka një konflikt të madh në klub midis kapitenit dhe presidentit.

Së shpejti, Bartomeu do të shkojë te lojtarët për të kërkuar që ata të ulin pagat e tyre, të cilat nuk do të pranohen mirë nga zhveshtorja.

Një stuhi ka kaluar në Camp Nou, por ka shumë rrezik përpara. /Telegrafi/