Barcelonës i vjen oferta që do t’ia zgjidh problemet dhe mund të bëjë blerjet që i do

Raphinha i Barcelonës ka qenë shumë i kërkuar dhe tani edhe Al-Nassr thuhet se është futur në garë dhe janë të gatshëm të paguajnë një tarifë të madhe për brazilianin.

Raphinha iu bashkua Barcelonës në verën e vitit 2022 nga Leeds për 58 milionë euro. Ndërsa braziliani kishte qenë sulmuesi më i qëndrueshëm në kohën e Xavit në Barcelonë.

Me klubin katalanas që tani dëshiron të nënshkruajë me Nico Williams të Athletic Bilbao dhe Dani Olmo të RB Leipzig, është gati të ndahen me brazilianin për të financuar marrëveshjet që i do.

Raphinha ka pohuar se dëshiron të vazhdojë të luajë me Barcelonën të paktën për sezonin e ardhshëm, megjithatë, sipas SPORT, Al-Nassr po kërkon t’i ofrojë Barcelonës një tarifë rekord të Superligës Saudite prej 100 milionë euro për të nënshkruar me anësorin 27-vjeçar.

Tarifa do ta ndihmonte Barcelonën të përmbushë kërkesat e saj financiare për marrëveshjet e Williams dhe Olmo dhe nëse Al-Nassr bën ofertën, ata do të bëjnë çmos për të bindur Raphinhan të nënshkruajë me klubin saudit.

Sipas një raporti të mëparshëm nga Mundo Deportivo, kampionët e Pro Ligës Saudite, Al-Hilal janë gjithashtu të interesuar të bëjnë një lëvizje për Raphinha, i cili është shumë i pëlqyer nga shefi Jorge Jesus dhe i ka ofruar Barcelonës afër 65 milionë euro, megjithatë klubi katalanas beson se braziliani vlen afër 90 milionë euro.

Braziliani është zgjedhur nga Hansi Flick për t’iu bashkuar skuadrës për turneun e tyre parasezonal në Shtetet e Bashkuara, ku ata luajnë me Manchester City, Real Madrid dhe AC Milan. /Telegrafi/