Barcelona në hall të madh, pesë lojtarë të rëndësishëm mund ta humbasin ndeshjen e parë gjysmëfinale në LK

Barcelona do të pres Paris Saint Germain në ndeshjen e kthimit çerekfinale në Ligën e Kampionëve të martën mbrëma.

Frenkie de Jong , Ferran Torres , Joao Felix , Ronald Araujo dhe Lamine Yamal janë të gjithë në rrezik të humbasin një ndeshje të parë gjysmëfinale të mundshme në Ligën e Kampionëve nëse marrin një të verdhë kundër PSG-së .

Secili nga pesë lojtarët e lartpërmendur ka marrë dy kartonë të verdhë në këtë garë këtë sezon dhe do të dënohej me një ndeshje nëse merrnin një tjetër karton.

Lexo po ashtu Xavi pas fitores ndaj Cadiz: Të martën kemi një luftë, duam të bëjmë diçka të madhe

Rregullorja e UEFA-s thotë se kartonët e verdhë ekzistues pastrohen pas përfundimit të çerekfinales.

Megjithatë, lojtarët që marrin të verdhën e tretë në ndeshjen e dytë çerekfinale do të humbasin një ndeshje të parë gjysmëfinale të mundshme.

Lexo po ashtu "Ai nuk vrapon shumë, por kur e prek topin e vëren çfarë niveli ka" - Camavinga tregon lojtarin më të mirë me të cilin është përballur

Ky rregull i pengon lojtarët të humbasin finalen përmes pezullimit pas çerekfinales siç ishte rasti i Xabi Alonso në 2014 për Real Madridin. Megjithatë, një lojtar do të humbasë finalen nëse merr karton të kuq në gjysmëfinale.

Barça do të jetë pa Andreas Christensen dhe Sergi Roberto për ndeshjen e tyre kundër PSG-së, pasi ata janë duke vuajtur dënimin me një ndeshje pasi ka marrë tre të verdhët. /Telegrafi/