Barcelona futet në garë për Kokcun, gati t’ia rrëmbejë objektivin Chelseat e Arsenalit

Është shtuar numri i skuadrave të mëdha që duan transferimit e yllit turk Orkun Kokcu.

Mesfushori i talentuar qendror i gjigantit holandez Feyenoord pritet të largohet gjatë verës nga Eredivisie.

Chelsea, Arsenal dhe Sevilla e donin lojtarin, por së fundmi në garë është futur edhe Barcelona.

Katalunasit e shohin talentin turk si zëvendësuesin adekuat të brazilianit Arthur që mund të largohet gjatë verës.

Arsenali është skuadra favorite për të nënshlruar me Kokcun, pasi tanimë ka dorëzuar një ofertë te Feyenoordi prej 26,5 milionë eurove.

Mediat holandeze kanë raportuar se Barcelona për ta marrë lojtarin duhet të barazojnë ofertën e londinezëve dhe Kokcu do të preferonte kalimin në Camp Nou.

19-vjeçari pritet të bëhet lojtari më i shtrenjtë që shitet nga Feyenoordi, pasi deri më tani këtë rekord e mban ish-sulmuesi Dirk Kuyt që kaloi te Liverpooli për 18 milionë euro në vitin 2006.

Kokcu këtë edicion ka zhvilluar 35 ndeshje në të gjitha garat me gjigantin holandez ku ka shënuar tre gola e ka bërë gjashtë asistime. /Telegrafi/