Barcelona dhe Manchester City vazhdojnë bisedimet për shkëmbimin e bujshëm

Barcelona dhe Manchester City prej javësh janë në bisedime për shkëmbim lojtarësh.

Në tavolinë janë dy emrat e dy mbrojtësve portugez dhe që të dy luajnë në të njëjtën pozitë.

Fjala është për Nelson Semedon e Barcelonës dhe Joao Cancelon e Manchester Cityt.

Që të dy lojtarët nuk ndihen të vlerësuar në klubet përkatëse dhe kanë kërkuar largimin.

Barcelona nuk është e kënaqur nga Semedo dhe duan ta largojnë atë për ta gjetur një tjetër mbrojtës të majtë që i përshtatet lojës së tyre dhe Cancelo shihet opsioni më interesant.

Në anën tjetër Pep Guardiola ishte entuziast me transferimin e Joao Cancelos, por portugezi dështoi në Ligën Premier.

Trajneri spanjoll e mirëpret Nelson Semedon pasi portugezi mendon se i përshtatet stilit të lojës së Cityt.

E përditshmja katalunase Sport ka raportuar se drejtuesit e dy klubeve kanë vazhduar bisedimet për këtë shkëmbim dhe marrëveshje duket afër.

Fjala është për një shkëmbim kokë më kokë të lojtarëve pa pasur nevojë asnjëra skuadër të shtojë para. /Telegrafi/