Barcelona afër transferimit të tre lojtarëve që shkëlqyen në Euro 2024

Barcelona thuhet se është e prirur për nënshkrimin e tre lojtarëve spanjollë që ndihmuan La Roja të fitonte Euro 2024.

Me përgatitjen e para-sezonit dhe sezonin e ardhshëm në prag, Blaugranasit po punojnë drejt nënshkrimit të Nico Williams, Mikel Merino dhe Dani Olmo.

Interesimi i tyre për Williams nuk është befasues, pas paraqitjes së shkëlqyer të anësorit sezonin e kaluar me Athletic Bilbaon. Ai shënoi 16 gola në 31 ndeshje në La Liga sezonin e kaluar. Ai gjithashtu vazhdoi atë formë gjatë verës, duke shënuar dy herë dhe duke dhënë një asistim në Euro.

Presidenti i Barcelonës, Joan Laporta, shpalli hapur interesimin e tyre për Williams, ndërsa lojtari ishte në ndeshjet ndërkombëtare.

Kur u pyet nëse klubi mund të përballonte klauzolën e lirimit prej 58 milionë eurosh të 22-vjeçarit, ai veçanërisht i tha Catalunya Radio: “Nga sot, po. Do të ketë lajme të mira për sa i përket anës sportive të gjërave, do t’i shpallim gjërat së shpejti. Ne jemi duke punuar në marrëveshjet që Hansi ka kërkuar”.

Lexo po ashtu Dani Olmo nënshkruan fanellën e Barcelonës, ndërsa i përgjigjet edhe një tifozit se a po u bashkohet katalunasëve

Tani, sipas gazetarit Adrian Sanchez, klubi e ka vendosur Nico Williams në krye të listës së tyre prioritare.

Pas tij, ata kanë vendosur Mikel Merino, i cili shënoi golin e Spanjës në kohën shtesë për të eliminuar Gjermaninë në çerekfinale. Ata do të kërkojnë të bëjnë një marrëveshje me klubin e tij Real Sociedad përpara se të fillojë sezoni i ardhshëm.

Lojtari i tretë në listën e tyre është Dani Olmo, i cili ishte drita shkëlqyese për Spanjën ndërsa ata përparuan nëpër turne.

Tri gola në fazën eliminatore nga Olmo ishin të gjitha të nevojshme për spanjollët për të arritur në finale, ku mundën Anglinë 2-1. Barcelona do të shpresojë se mund të nënshkruajë me lojtarin e RB Leipzig këtë verë. /Telegrafi/