Barca dhe Reali në garë për dyshen e Liverpoolit, Klopp dhe Van Dijk

Rivalët spanjollë, Barcelona dhe Real Madridi, thuhet se do të zhvillojnë një tjetër garë të madhe për transferimin e dyshes së Liverpoolit, Jurgen Klopp dhe Virgil van Dijk.

Gjigantët e La Ligas nuk e kanë nisur mirë këtë sezon dhe tashmë po mendojnë për planet e tyre në të ardhmen.

Lexo po ashtu Të gjitha lajmet nga Liverpool

Trajnerët respektivë, Ernesto Valverde dhe Zinedine Zidane, janë nën presion, ndërsa AS raporton se të dyja klubet kanë shprehur interesim për strategun gjerman të Redsave, i cili është zgjedhja e tyre e parë.

Klopp e dërgoi Liverpoolin në dy finale të Ligës së Kampionëve, duk e fituar në sezonin e kaluar, ndërsa ishte fuqishëm në garë për titullin e Ligës Premier, gjë që po vazhdon ta bëjë edhe këtë edicion.

Shënjestra tjetër e Barcës dhe Realit është qendërmbrojtësi Van Dijk, i cili pati një sezon të mrekullueshëm me Liverpoolin në sezonin 2018/2019.

Theksojmë se trajneri gjerman ka marrëveshje në Anfield deri në vitin 2022, kurse mbrojtësi holandez deri në vitin 2025, prandaj duhet shpenzim i madh për t’i transferuar. /Telegrafi/