Banorët e habitur me topat misteriozë të golfit, të cilat nuk po dihet se kush po i hedhë

Në afërsi të fshatit të qetë Barming, që ndodhet në Kent të Anglisë, nuk ka ndonjë terren golfi, derisa sipërfaqja e papërshtatshme, e pamundëson luajtjen e këtij sporti.

Megjithatë, banorët po gjejnë shumë topa misterioz, derisa shumë prej tyre janë goditur prej tyre, ndërsa nuk dihet se kush po i hedhë apo po luan golf, transmeton Telegrafi.

“Isha duke e pastruar kopshtin, kur një top më qëlloi në trup, shumë pranë fëmijëve që luanin. Kjo ishte hera e dytë, pasi njëherë jam qëlluar në rrugë” ka thënë një banore.

Shumë të tjerë kanë ndarë eksperiencat e tyre, të muajve të fundit, me disa pre tyre, që panë për herë të parë topa të kësaj forme.

Deri më tani, është thyer nga këta topa një shtëpizë xhami ku mbahen lulet, një xham i dritares dhe një i veturës, ndërsa policia ende nuk ka intervenuar, megjithëse është telefonuar disa herë.

Askush nuk është në dijeni, se kush mund të jetë pas hedhjes së këtyre topave, që tani janë shpërndarë në numër të madh, ndërsa dihet se janë të shtrenjtë dhe shumë të mirë. /Telegrafi/