Banka Qendrore e Turqisë po përballet nën presion për një rritje të normës së interesit edhe pse të dhënat e reja tregojnë se prodhimi në vend po fillon të ngadalësohet.
Dilema me të cilën përballet Murat Cetinkaja, guvernatori i Bankës Qendrore, u nënvizua nga shifrat e Prodhimit të Brendshëm Bruto të tremujorit të dytë. Të dhënat treguan se ekonomia turke u rrit me 5.2 për qind në tremujorin e dytë të vitit 2018, duke u ulur nga një rritje prej 7.3 për qind në tremujorin e mëparshëm dhe rritja vjetore prej 7.4 për qind vitin e kaluar.
Shumë ekonomistë besojnë se Turqia tani përballet me recesion. Lira ka humbur më shumë se 40 për qind të vlerës së saj kundrejt dollarit që nga fillimi i këtij viti, mes frikës se ekonomia kishte tejkaluar hidhërimin e Uashingtonit.
Norma e interesit aktualisht është 17.75 për qind, por që mund të ngadalësojë edhe më tej rritjen. Investitorët ndërkombëtarë pohojnë se një rritje e ndjeshme e normës së interesit do të zbuste inflacionin që arriti pothuajse 18 për qind në muajin gusht.
“Është e vështirë për Bankën Qendrore. Ata duhet të balancojnë nevojat e një ekonomie që zhyten në recesion kundër një mungese kredibiliteti të inflacionit. Dhe tregjet janë duke kërkuar që ata të provojnë se kanë besueshmërinë e inflacionit përpara se të reagojnë ndaj recesionit”, tha Charles Robertson, krye-ekonomist në Renaissance Capital, një bankë investimi, përcjell Telegrafi.
Disa analistë mbeten skeptikë, duke përmendur shqetësimet rreth presionit nga presidenti Rexhep Tajip Erdogan, një ‘armik’ i vetëdeklaruar i normave të larta të interesit.
Inan Demir, krye-ekonomist në Nomura, bëri thirrje për një rritje të normës së interesit prej 575 pikësh.
“Megjithëse ne besojmë fort që kjo duhet të bëhet, ne nuk kemi një bindje të lartë se do të ndodhë. Mjedisi politik i Turqisë nuk duket të jetë i favorshëm për rritje të normave të mëdha politike”, tha Demir.
Pas publikimit të shifrave të Produktit të Brendshëm Bruto, ministri i Financave, Berat Albajrak, tha se ngadalësimi i rritjes së konsumit dhe investimeve – kombinuar me një rikthim në të ardhurat nga eksportet dhe turizmi – tregoi se ekonomia tashmë po fillon të ribalansohet.
Ai tha se treguesit paraprakë nga tremujori i tretë 2018 treguan se kërkesa e konsumatorit, e cila ka mundësuar rritjen ekonomike më të lartë do të ngadalësohet.
Shumë analistë janë të shqetësuar se dështimi për të vepruar mund ta dobësoj edhe më tepër lirën turke, duke rritur më shumë presionin ndaj kompanive me borxhe në valutë të huaj. Fati i lirës turke dhe pezos argjentinase ka shkaktuar gjithashtu shqetësime për një përhapje më të gjerë të tregut në zhvillim. /Telegrafi/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
Pasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
EBC Cosmetics vjen me zbritjen më të madhe vjetore
Karnavali Golden Eagle bashkon artistët më të mirë shqiptarë
Biznesi po merr teposhtën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë