Balotelli reagon për herë të parë pas rikthimit te Italia

Mario Balotelli ishte tepër i qetë pas njoftimit se Roberto Mancini e ka thirrur atë në kampin e Azzurrëve për herë të parë në tre vjet.

Sulmuesi 31-vjeçar italian, i cili aktualisht po luan me Adana Demirspor në Turqi, bëri paraqitjen e tij të fundit në Itali në shtator të vitit 2018, në një ndeshje të Ligës së Kombeve kundër Polonisë. Ai është thirrur nga Mancini për kampin stërvitor të Italisë në Coverciano këtë javë.

Duke folur për Bresciaingol, Balotelli dukej i qetë pas njoftimit.

Lexo po ashtu Zyrtare: Balotelli rikthehet në skuadrën Italisë pas mungesës trevjeçare

“Jam mirë dhe jam në humor të mirë. Në moshën 31-vjeçare, të luash për kombëtaren duhet të jetë normale, anormaliteti nuk është aty”.

“Shpresoj që Italia të kualifikohet në Kupën e Botës, ata e meritojnë. Nuk e di pse janë në play-off, por mund të ndodhë”.

Për momentin ai përjashtoi mundësinë e një rikthimi në Serie A.

View this post on Instagram

A post shared by Telegrafi Sport (@telegrafisport)

“Jam mirë në Turqi, tani jam në humor të mirë”.

Së fundmi, Balotelli ka komentuar marrëdhënien e tij me trajnerin e Azzurrëve, Roberto Mancini.

“Ne folëm dhe gjithçka është mirë, ai më dha debutimin tim dhe shpresoj se ai do të jetë ai që do të më shohë të përfundoj një ditë”.

31-vjeçari Balotelli ka performuar mirë në Turqi këtë sezon; i kontraktuar me Adana Demirspor deri në vitin 2024, sulmuesi italian ka bërë 21 paraqitje në të gjitha garat, për një total prej 1309 minutash. Në atë kohë, ai ka shënuar nëntë gola dhe ka dhënë pesë asistime. /Telegrafi/