Bajrami: Trendi i papunësisë do të bie edhe më tej ndër vite, migrimi njëri nga faktorët

Profesori Ujkan Bajrami ka folur rreth tregut të punës dhe papunësisë në Kosovë.

Ai ka thënë se papunësia e prej 10.7% sipas statistikave të Agjencisë së Statistikave të Kosovës (ASK) e cila ishte për vitin 2023, pritet të bie edhe më tutje.

Profesori Bajrami ka thënë se për këtë rënie janë disa faktorë dhe njëri ndër ta është edhe migrimi i popullsisë.

“Në vitin 2025 i referohem nëse jemi në kushtet e njëjta ekonomike, papunësia do të shkoj në 9.46% për të rënë edhe më tutje në vitin 2026 në 7.92%, për të shku në 2027 në 6.37%”, ka thënë ai.

Ai ka thënë se në këtë statistik të tij, ka një numër të madh të faktorëve që ndikojnë e një ndër to është çështja që lidhet me migrimin e popullsisë e sidomos e fuqisë aktive punëtore.

“Shkalla e pjesëmarrjes e popullsisë në fuqinë punëtore mes moshës 15-64 është 42.30% ku hyn edhe 10.7% i papunësisë”.

Ai ka thënë se “nuk jemi të pa-punëtorë por njerëzit që kanë qenë në kërkim të një pune aktive të paktën për gjashtë muaj janë lodh nga kërkesa dhe shkalla e migrimit dhe kjo që ka ndodhur këtu që e quajmë të një ‘papunësie të maskuar’ ndikojnë punësimet sezonale ose punësimet që bëhen për intervale të shkurtra kohore”, ka thënë ai.