Ekipi shqiptar Bad News Eagles është mposhtur nga ekipi polak 9INE, në ndeshjen çerekfinale të ‘Upper Bracket’ në turneun ESL Challenger League.

Ndeshja përfundoi me rezultat të përgjithshëm 2-1 me mapa, në të mirë të ekipit 9INE edhe pse favorit për të fituar ishte ekipi shqiptar.

Edhe pse e nisën mirë në mapin e parë ‘Vertigo’ duke e përfunduar pjesën e parë me rezultat 9:6, ekipi 9INE arriti që të kthej rezultatin në pjesën e dytë duke e përfunduar mapin me rezultat 16-13.

Në mapin e dytw ‘Ancient’ ekipi Bad News Eagles arriti që të barazoj në 1-1, duke fituar me rezultat 19-17.

Mapi i fundit ‘Dust2’ ishte gjithë kohën në dominim të ekipit polak, të cilët në fund fituan me rezultat 16-9, dhe rezultat të përgjithshëm 2-1 me mapa.

Tani ekipi Bad News Eagles do të përballet me ekipin Sprout në çerekfinale të ‘Lower Bracket’, dhe në rast humbjes edhe në këtë ndeshje do të eliminohet. /Telegrafi/

eSportsSport
telegrafi sport app