Avokatët e Fagiolit dalin me reagim rreth akuzave ndaj lojtarit për bastëvënie të paligjshme

Avokatët që përfaqësojnë mesfushorin e Juventusit, Nicolo Fagioli, zbulojnë se ai ishte ai që kontaktoi autoritetet për të diskutuar mbi bastet e mundshme të paligjshme.

Lajmet dolën sot (e mërkurë) se ndaj lojtarit po zhvillohej një hetim për lojëra të fatit të mundshëm përmes platformave të paligjshme online.

Nëse Fagioli shpallet fajtor për lojërat e fatit të organizuara nga FIGC, UEFA ose FIFA, atëherë ai mund të përballet me një gjobë dhe ndoshta të pezullohet deri në tri vjet.

Lexo po ashtu Ylli i Juventusit nën hetim për shkelje të mundshme të basteve

Avokatët që përfaqësojnë Fagiolin dërguan një deklaratë për agjencinë e lajmeve ANSA për gjendjen.

“Si avokatë të Nicolo Fagiolit, ne mund të konfirmojmë se klienti ynë po përballet me situatën me ndjenjë përgjegjësie, me transparencë dhe bashkëpunim maksimal me autoritetet sportive dhe të drejtësisë civile”, thuhet në reagimin e tyre.

“Kjo vërtetohet nga fakti se ai ishte i pari që informoi me shpejtësi prokurorin për situatën. Nicolo është i qetë dhe plotësisht i përqendruar te Juventusi dhe këtë sezon”.

Nuk është ende e qartë se në cilat ndeshje Fagioli vendosi baste dhe nëse kjo ishte një shkelje e kodit të etikës së drejtësisë sportive.

Një produkt i akademisë së të rinjve të Juventusit, mesfushori 22-vjeçar është paraqitur në gjashtë ndeshje në Serie A këtë sezon, duke dhënë një asistim. /Telegrafi/

.@juventusfc | Le parole dei legali di Nicolò #Fagioli: “Si è autodenunciato. È sereno e concentrato sulla #Juventus”https://t.co/vVoBZu2Giy

— Gianluca Di Marzio (@DiMarzio) October 11, 2023