Austria miraton vaksinimin e detyrueshëm – personat që nuk vaksinohen do të gjobiten deri në 3600 euro

Parlamenti austriak miratoi sonte ligjin për vaksinimin e detyrueshëm kundër coronavirusit për të rriturit, me kërcënimin e një dënimi të lartë, duke filluar nga shkurti i vitit 2022.

Kështu Austria u bë vendi i parë në Evropë që prezantoi anti-vaksinimin e detyrueshëm për të gjithë, raporton france24.

“Siç ishte planifikuar, ne po vendosim vaksinimin e detyrueshëm për njerëzit mbi 18 vjet në fillim të shkurtit”, u tha gazetarëve kreu i qeverisë konservatore, të cilën ai e drejton së bashku me ambientalistët.

Pothuajse dy muaj më parë, qeveria njoftoi se në fillim të këtij viti do të vendoste vaksinimin e detyrueshëm, transmeton Telegrafi.

Të shtunën, 27 mijë njerëz protestuan në kryeqytetin austriak, Vjenë, kundër masës së diskutueshme, e cila besohet se shkel liritë individuale.

Në fillim të shkurtit do të vendosen kontrollet ndërsa personat e pavaksinuar do të gjobiten nga 600 deri në 3600 euro në rast të përsëritjes së krimit.

Ndryshe, kujtojmë se një masë e tillë hyri në fuqi edhe në Ekuador, Taxhikistan, Turkmenistan, Indonezi dhe Mikronezi.

Gjermania, një propozim të ngjashëm pritet ta shqyrtojë në Bundestag gjatë fundit të janarit.

Nga sot, 5.8 milionë njerëz në Austri kanë një leje vaksinimi, e cila ka 7.4 milionë njerëz që mund të vaksinohen. /Telegrafi/