Atletico Madridi ka fituar ndaj Getafes me rezultat 1-0 në kuadër të javës së 17-të në La Liga, që ishte fitorja e gjashtë me radhë në kampionat dhe e 11-ta në të gjitha garat.

Golin e fitores për Atleticon e realizoi sulmuesi norvegjez, Alexander Sorloth, në minutën e 69-të, pas asistimit të Nahuel Molina.

Me pikët e fituara ndaj Getafes, Atletico Madridi është në vendin e dytë me 38 pikë, një më shumë se Real Madridi që është një pozitë më poshtë.

Barcelona pas 17 ndeshjesh është lider me 38 pikë aq sa Atletico Madridi.

Skuadra e Diego Simeones ka 11 ndeshje radhazi me fitore në të gjitha garat, duke treguar se këtë vit është shumë serioz në luftë për trofe. /Telegrafi/

Standings provided by Sofascore
La LigaFutbollNdërkombëtareSport
telegrafi sport app