Atletico Madridi i hap dyert Real Madridit për zhvillimin e ndeshjeve në stadiumin “Wanda Metropolitano”

Presidenti i Atletico Madridit, Enrique Cerezo i ka hapur derën Real Madridit që ndeshjet t’i zhvillojë në “Wanda Metropolano” nëse dëshirojnë.

Los Blancos kishin planifikuar që t’i luanin ndeshjet e tyre të mbetura në këtë sezon në stadiumin “Alfredo Di Stefano”, pasi “Santiago Bernabeu” është duke u rinovuar.

Sidoqoftë, mundësia që tifozët të lejohen të marrin pjesë në ndeshje më herët sesa pritej, i bie që Real Madridit i duhet një stadium më i madh.

“A do ta lëshoni me qira Wanda Metropolitanon? Do të heq maskën time për t’ju përgjigjur”, filloi Cerezo fjalimin në një paraqitjen e tij në krah me kryetarin e Madridit, Jose Luis Martinez-Almeida.

“Le të mos ketë dyshim, ne jemi në dispozicion të Real Madridit”, ka thënë ai.

Edhe Martinez-Almeida shtoi se nëse kjo ndodh, atëherë nuk do të ishte hera  e parë.

“Nuk do të ishte hera e parë” shtoi ai Almeida, që njihet si tifoz i Atleticos.

“[Atletico luajti] ndeshjet e para të sezonit [1996/97] në Bernabeu sepse Calderon [Vicente] ishte në rindërtim”, ka thënë ai. /Telegrafi/