Asnjë shenjë dobësie apo tërheqjeje nga Hamasi, thotë eksperti izraelit

Ende nuk ka “asnjë shenjë dobësie ose tërheqje” në lëvizjen palestineze të rezistencës në Gaza, ka thënë eksperti izraelit, Guy Aviad.

Pavarësisht se forcat izraelite vranë rreth 23,000 palestinezë që nga sulmet e grupit të rezistencës më 7 tetor, Aviad, i cili ishte autor i një libri mbi Hamasin, pohoi për Channel 12 izraelit të shtunën se Hamasi është “i lumtur dhe i bashkuar” me situatën aktuale në Gaza, duke shtuar se atje nuk është shenjë e “dobësisë ose tërheqjes” nga grupi për momentin.

Sipas mediave të huaja, përcjell Telegrafi, Aviad pohoi se “duket se pala tjetër ka besim”, duke marrë parasysh këmbënguljen e udhëheqjes së Hamasit për lidhjen e negociatave me një armëpushim total në enklavë, ndërsa ushtria izraelite herën e fundit i dha fund pauzës humanitare njëjavore më 1 dhjetor duke bombarduar Khan Younis në Gaza.

Lexo po ashtu "Mund të dëgjohej jashtë dhomës": Po diskutohej për Gazën, përplasje e ashpër mes ministrave dhe shefit të ushtrisë së Izraelit

Në përgjigje të një pyetjeje rreth vendndodhjes së liderit të Hamasit, Yahya al Sinwar, Aviad pretendoi se ai mund të ishte “kudo në Gaza” dhe përsëriti pretendimet e zyrtarëve izraelitë, duke i thënë Channel 12 se “ka qindra kilometra tunele nëntokësore” në Gaza.

Ndryshe, megjithë fillimin e një operacioni tokësor në fillim të muajit të kaluar, Izraeli ende nuk ka paraqitur ndonjë provë konkrete të tuneleve të përdorura nga forcat e Hamasit.

Më 27 tetor, zëdhënësi i ushtrisë izraelite Daniel Hagari pohoi se pesë ndërtesa spitalore ishin të përfshira drejtpërdrejt në aktivitetet e Hamasit dhe se ndërtesat ishin “në majë” të tuneleve nëntokësore.

Lexo po ashtu Transportonte helikopterë, sot është shndërruar në spital – brenda anijes franceze ku tani po trajtohen të plagosurit e Gazës

Megjithatë, asnjë nga pesë ndërtesat e spitalit që identifikoi Hagari nuk dukej të ishte e lidhur me rrjetin e tunelit, sipas raporteve hetimore të The Washington Post të botuara më 21 dhjetor, shkruan TrtWorld.

Për më tepër, nuk ka asnjë provë që tunelet mund të arrihen nga repartet e spitalit.

Që nga sulmi ndërkufitar i Hamasit më 7 tetor, Izraeli ka vazhduar sulmet në Gaza, duke vrarë të paktën 22,722 palestinezë dhe duke plagosur 58,166, sipas autoriteteve lokale shëndetësore.

Lexo po ashtu Amerikanët dhe evropianët “në aksion” ndërsa konflikti Izrael-Hamas kërcënon të përhapet më gjerë në Lindjen e Mesme

Autoritetet izraelite pohuan se sulmet e Hamasit kanë vrarë rreth 1.200 izraelitë.

Sulmi izraelit e ka lënë Gazën në gërmadha, me 60 për qind të infrastrukturës së enklavës të dëmtuar ose shkatërruar dhe gati 2 milionë banorë të zhvendosur mes mungesës akute të ushqimit, ujit të pastër dhe ilaçeve. /Telegrafi/