Artisti kinez, përmes luleve sjell kontrastet Lindje-Perëndim

“Unë jam nga Kina, por kam studiuar në Holandë dhe në mua kishte shumë ndikim kultura perëndimore. Andaj puna ime gjithmonë paraqet kontrastin mes dy kulturave”

Fushata gjigante me lule, nga të cilat shpërthen ngjyra e kuqe, e gjelbër apo e kaltër, mbushin pëlhurat e ekspozitës së re në Londër, të kinezit Zhuang Hong Yi.

“Ato janë më shumë sesa paraqitje e botës së natyrës”, thotë ai. “Ato janë dialog mes kulturave që kanë formuar punën time”.

Për ekspozitën e titulluar “Ndriçimi”, e cila u hap në Londër, 55-vjeçari ka krijuar skena të shumta që bien në sy, duke krijuar kështu mijëra lule nga letrat e orizit që më pas i ngjiti në teksturë.

“Unë jam nga Kina, por kam studiuar në Holandë dhe në mua kishte shumë ndikim kultura perëndimore. Andaj puna ime gjithmonë paraqet kontrastin mes dy kulturave dhe kompozimi i pikturës po ashtu është në kontrast”, tha kinezi.

Krijimet e tij i sollën sukses të jashtëzakonshëm, sidomos komercial, viteve të fundit. Ai tashmë ka ekspozuar në galeritë më të mëdha dhe panairet nëpër Evropë dhe SHBA dhe nga kuratorët përshkruhet si artisti më i shitur aziatik në Britani. /albinfo/