Arsyeja e veçantë e numrit të Guimaraes që lidhet me babanë dhe profesionin e tij – një simbol për origjinën e përulur braziliane

Tifozët e Newcastle United mund të jenë habitur kur kanë mësuar se transferimi rekord, Bruno Guimaraes, do ta veshë fanellën me numrin 39.

Mirëpo, ka një arsye shumë të mirë pse mesfushori, i cili kushtoi 43 milionë funte (52 milionë euro), ka vendosur ta bartë këtë numër.

Braziliani e ka bartur numrin 39-të edhe te klubi i vjetër, Lyon, ndërsa të njëjtin do ta bartë edhe te klubi i ri, Newcastle, për nder të babait të tij, i cili është shofer taksie.

Babai i lojtarit, Dick, është një shofer taksie në Rio de Janeiro dhe numri i veturës së tij është 39. Për këtë arsye, Guimaraes zgjedh të njëjtin numër që ta mbajë në fanellë për ta nderuar njeriun që e ka rritur.

Lexo po ashtu Mbyllet afati kalimtar i janarit: Të gjitha ato që ndodhën minutë pas minute

Sipas The Times, 23-vjeçari është shumë i lidhur me babanë dhe nënë e tij, Marcia, e cila është një shitëse me biçikletë.

A beautiful chapter is coming ⚫️⚪️🤩 @NUFC pic.twitter.com/QiLo1KhPvK

— Bruno Guimarães (@brunoog97) January 30, 2022

Numri i fanellës së Guimaraes është një shenjë për fillimin e përulur në Brazil që e ndihmoi atë të bëhej futbollist, diçka që nuk e merr si të mirëqenë.

“Ai fle herët, nuk del dhe kurrë nuk e ka pirë asnjë pikë alkool”, ka thënë nëna e futbollistit. /Telegrafi/

View this post on Instagram

A post shared by Telegrafi Sport (@telegrafisport)