Arsenali synon transferimin e Moratas

Arsenali ka kthyer vëmendjen e tyre kah sulmuesi i Real Madridit, Alvaro Morata, të cilin e sheh si zëvendësues ideal të Alexis Sanchezit që pritet të largohet këtë verë.

Sulmuesi spanjoll i Realit është në listën e largimeve të trajnerit Zinedine Zidane, pasi ka kërkuar vet pas dështimit për të siguruar një vend titullari.

Lexo po ashtu Mourinho zbulon se pse dështuan bisedimet me Real Madridin për Alvaro Moratan

Me të kuptuar për këtë largim të mundshëm, shumë skuadra u interesuan për transferimin e tij, ku ndër to ishte Manchester Unitedi që provoi deri në fund, por pastaj transferoi Romelu Lukakun.

Megjithatë, sipas Don Balon, tani janë Topçinjtë ata që i janë drejtuar Mbretërve për të kërkuar shërbimet e Moratas, si zëvendësues ideal për Alexis Sanchezin, i cili pritet të largohet nga Emirates pasi nuk po rinovon kontratën.

Lexo po ashtu PSG i bashkohet betejës për Moratan, janë gati të paguajnë çmimin e kërkuar nga Reali

Trajneri i Arsenalit, Arsene Wenger beson se Morata mund të formojë një partneritet vdekjeprurës me nënshkrimin e ri të Alexandre Lacazette, por londinezët  përballen me konkurrencën e madhe nga Chelsea, PSG dhe Milani.

Çmimi i sulmuesit spanjoll besohet të jetë rreth 80 milionë euro, aq sa edhe kërkon Reali. /Telegrafi/